امریکاده مکتبلرده صادر ایتیلگن جنایتلر 13

تورکیه و دنیا کوز قره شی 13

امریکاده مکتبلرده صادر ایتیلگن جنایتلر 13

انقره ییلدیریم بیاضید عالی بیلیم یورتی سیاست بیلیملری فاکولته‌سی نینگ رئیسی پروفسیور دوکتور قدرت بلبل نینگ موضوعگه دایر یازوونی حواله ایته‌میز.

امریکاده مکتبلرده صادر ایتیلگن جنایتلر

شو کونلرده امریکا نینگ تورلی شهرلریده باشله‌گن ناراضی چیلیک نمایشلری، یقینده دنیاگه ترقه‌له‌دیگن گه اوخشه‌یدی. «حیاتیمیز اوچون نمایش» (MarchForOurLive). امریکا قوشمه‌ ایالتلریده صادر ایتیلگن جنایتلرگه ناراضیچیلیک کورسه‌تیش مقصدیده واشنگتن دی سی ده بولیب اوتگن نمایشگه، اکثریتی یاشلر 500 مینگ کیشی قتنه‌شدی. بیر باشلنغیچ مکتب اوقووچیسی نینگ قولیده‌گی «مین مکتبده ییگولیک هم آلیب باره آلمه‌یمن. قوراللر رد ایتیلسین» دیگن یازووی کتّه‌ تأثیر کورسه‌تدی.

مکتبلرده یوز بیره‌یاتگن جنایتلر

امریکا قوشمه ایالتلریده مکتبلرده یوز بیره‌یاتگن جنایتلر کون سایین اوج آلیب بارماقده. باله‌لر، عایله‌لر، عقل سا‌لم انسانلر بو جنایتلرگه ناراضیچیلیک کورسه‌تماقده. سونگی مرته‌ فلوریدا ایالتیده، 2018- ییلی فبروری آیی 17 نفر اوقووچی آتیب اولدیریلگن ایدی. 2012- ییلی کنتیکت ده‌گی هجومده 26، 2007- ییلی ویرجینیا‌ده‌گی هجومده ایسه 32 اوقووچی حیاتینی یوقاتگن ایدی.

امریکاده هر ییل مینگلب باله‌ نینگ اولدیریلگنی، بونلر کونده‌لیک 5 بیلن 19 گه تینگ بولگنی حقیده انترنیتده معلوماتلر جای آلماقده. اوشبو معلوماتلرگه کوره‌ امریکا قوشمه ایالتلریده‌گی مکتبلرده اویوشتیریلگن هجوملر دنیا نینگ باشقه‌  جایلریدن ایکّی برابر کوپ ایکنلیگی بیلدیریلماقده.

عمومي جنایتلر

امریکا قوشمه ایالتلری مکتبلریده‌گی جنایتلر، اصلیده اولکه‌ بویلب ترقه‌لگن قوراللی هجوملر نینگ بیر عنصری صفتیده کوریلماقده. تورتگه بولینگن قوراللی جنایتلر بحث موضوعسی: «قوراللی هجوم و توقنه‌شوولر، قوراللی فلاکتلر، خودکش لیکلر، عامه‌وي  هجوملر. امریکا قوشمه ایالتلریده هر کون 92 کیشی قوراللی هجوم نتیجه‌سیده حیاتدن کوز یومماقده. 1970- ییلدن بیری 1،5 میلیون کیشی قوراللی هجوم نتیجه‌سیده حیاتینی یوقاتگنی ایتیله‌دی، بو امریکا اوروشیده قربان بولگنلردن کوپ. 2017- ییل نیوا‌ده‌ده 58، 2016- ییل فلوریداده 49 کیشی اولدیریلگن ایدی.

عامه وی جنایتلر امریکا جمعیتی نینگ کینگ کولملی قوراللنگنینی افاده‌ ایته‌دی. امریکالیکلر دنیا اهالیسی نینگ 4.4 % تشکیل ایتماقده، لیکن دنیاده‌گی فردي قوراللنیش نینگ 42% گه ایگه‌. دنیاده‌گی عامه‌وي هجوملرنینگ 31 % فقط امریکا قوشمه ایالتلریده یوز بیرماقده. امریکادن کیین فرد باشیگه اینگ کوپ قورالی بولگن اولکه یمن دیر.

عمومي جنایتلر نسبتی

امریکا قوشمه ایالتلریده جنایت صادر ایتیش نسبتی دنیا بویلب یوقاری سویه‌ده. فدرا‌ل تیرگاو اداره سی (FBI) معلوماتلریگه کوره‌، 2016- ییل امریکا قوشمه ایالتلریده 1 میلیون 195 مینگ 704 جنایت صادر ایتیلگن. 15 مینگ 696 کیشی اولدیریلگن. بو جنایتلر نینگ 71،5 % اوق آتیلیش آرقه لی صادر ایتیلگن. 2016 -ییل اولدیرگن پولیس‌ نینگ سانی 1 مینگ 152 کیشی دیر. دنیاده جنسي زورآورلیک جنایتی اینگ کوپ یوز  بیرگن دولت  امریکا قوشمه ایالتلری. اولکه‌ده سونگی ییللر 90 مینگ 185 تجاوز جنایتی صادر ایتیلگن. تجاوزگه اوچره‌گنلر نینگ 62% 18 یاشدن کیچیک، 29% ایسه 11 یاشدن کیچیک بولگنی بیلدیریلدی. (http://www.milliyet.com.tr/abd-nin-korkunc-suc-istatistikleri-istanbul-yerelhaber-2501762/ )

جنایتلر ایرکینلیک اوچون می ؟

میدیا کوز یومسه هم جنایتلر وحشتگه سالماقده. بیز مکتبده صادر ایتیلگن جنایتلر بیلن صحبتیمیزنی دوام ایته‌یلیک. امریکاده مکتبده صادر ایتیلگن جنایتلر اساسن قانون گه کوره‌ قوراللنیش بیلن باغلیق. قورال ایگه‌سی بولیش ایرکینلیگی امریکا  اساسی قانونیگه کوره‌ اساسي و اوزگرمس بیر حق بولگنی افاده‌ ایتیلماقده.

امریکا بی‌پایان بویوک بیر جغرافیه دیر. تاریخی کیره‌ک بولسه قیزیل تنلی امریکالیکلر و کیره‌ک بولسه ایچکی اوروشلر بیلن توله‌. شو نینگ اوچون قوراللنیش طبيعي بیر حق بولگن. بو بیلن بیرگه‌ بو حقده‌گی تارتیشوولر نینگ فقط قانونی ایرکینلیکلر اطرافیده ایکنلیگینی باشقه‌ جمعیتلر نینگ توشونیشی قیین. هر ییل مینگلب انسان اولدیریلگن اولکه‌ده تارتیشوولرنی فقط قانونی ایرکینلیکلر  جهتیدن بهالش ناتوغری بوله‌دی. قاله‌ویرسه امریکا قوشمه ایالتلری دولت باشلیغی دونالد ترامپ نینگ تکلیفی کبی غلطی نرسه‌لر هم بولیشی ممکن. مثال اوقیتووچیلرنی هم قوراللنتیریش. منه‌ فلوریدا ایالتیده بونده‌ی بیر تکلیف پارلمانده  تصدیقلندی. مکتبلرده هر ییل مینگلب اوقووچی قربان بولگن، همه‌ قوراللی بولگن بیر اولکه‌ده اوقیتووچیلرنی قوراللنتیریش بو مسأله‌نی قنده‌ی حل ایته‌دی؟ امریکا قوشمه ایالتلری خلق‌ارا میدانلرده اَیریم دولتلرگه قرشی ایزله‌گن قوراللنیش بیللشووی اوقیتووچی و اوقووچیلر اورته‌سیده نیمه‌گه‌ آلیب کیلیشینی توشونیب بولمه‌یدی.

نیمه‌ قیلیش کیره‌ک؟

هسپانیا‌لیک یازووچی اورتیگا گاسسیت نینگ ایتگنی کبی مادّي مدنیت کتّه‌ بیر معما.  ضدلیکلر آرتگن سری توقنه‌شوولر هم اوج آله‌دی. مکتبلرده و عموماً جنایتلر بیلن علاقه‌لی تارتیشوولرنی، ایرکینلیک یاخود قوراللنیشدن چیقریش کیره‌ک. مسأله‌نینگ باشقه‌ عامللری هم بار. اَیریم جنایتلرده، قاتللر نیمه‌ قیلیشینی، قنده‌ی صادر ایتیشینی اجتماعي میدیا آرقه‌لی پایلشماقده. بو دایره‌ده فرقلی نظریه گه احتياجیمیز بار. بو نقطه‌ی نظردن امریکالی یازووچی آدم لنکفوردنینگ سوزلری تقدیرگه لایق. لنکفارد، عامه‌وي جنایتلرنی امریکا قوراللنیش مدنیتی و اوقووچیلر نینگ  فوق العاده‌ بولگنلیگی، ایسته‌گن همه‌ نرسه‌نی قولگه کیریته آلیشی اورگه‌تیلگنیگه تیا‌ندیرماقده. اساسن، بیر عایله‌ده ثمر‌گه ییتمه گن، کیمسه‌سیز یاشلر زمانه‌وي مدنیت ایچیده اوزینی اثپاتلشگه حرکت قیلیشی ممکن.

انچه اولکه نینگ ترورچیلیکدن ویا ایریم بیر اولکه بیلن یوز بیرگن اوروش باعث اولگنلردن کوپراغی یوز بیرگن امریکا قوشمه ایالتلریده‌گی عامه‌وي جنایتلرنینگ سبب بولگنینی قانونی ایرکین لیک‌ اطرافیده محاکمه‌ قیلینمه‌یدی. امریکا قوشمه ایالتلریده‌گی عامه‌وي جنایتلرنی بیان ایتیش اوچون اجتماعي، روانشناس، پیداگوژیگ، پتالوژیک، تعلیم-تربیه‌ و مدنیت نقطه‌ی نظریده هم بها بیریش کیره‌ک. بونلرگه مادّي فراوانلیک بیلن بیر قطارده بیر جمعیتنی یولگه ساله‌دیگن معنوي احتياجلرنی هم حسابگه قوشیش کیره‌ک. تیکشیریله‌دیگن بیر باشقه‌ موضوع ایسه، امریکا جمعیتی نینگ  باشقه‌ دولتلر بیلن سالیشتریلمه‌یدیگن درجه‌ده نیمه‌ اوچون قوراللنیش احتياجی بار؟ بو چقو بیر اجتماعي اعتماد بحرانی نینگ عکس ایتیشی می؟

امریکاده نمایشلر بیر ثمره‌ بیره‌دی دیب امید قیله‌من. یشه ش حقی  اینگ مقّدس حقدیر.

   انقره ییلدیریم بیاضید عالی بیلیم یورتی سیاست بیلیملری فاکولته‌سی نینگ رئیسی پروفیسور دوکتور قدرت بلبل نینگ موضوعگه دایر یازوونی تقدیم ایتدیک.



علاقه لی ینگی لیکلر