تَرانت عیسوی ترورچی می دیر؟

تَرانت عیسوی ترورچی می دیر؟

تَرانت عیسوی ترورچی می دیر؟

تَرانت عیسوی ترورچی می دیر؟

تَرانت عیسوی ترورچی می دیر؟

آوسترالیالیک ترورچی برنتون ترانت 2019 – ییلی 15 مارچ کونی ینگی زیلاندده جمعه نمازی چاغیده ایککی مسجدگه عملگه آشیرگن هجومی عاقبتیده 50 مسلماننی شهید ایتدی.

اونلب مسلماننی یره له دی. غربده گی ترورچیلیک هجوملری نینگ آرتیدن توغری – صمیمی بیر شکلده هیچ بیرق ان ایزی تصویرلری نمایان قیلینمه دی. بیراق ترانت نینگ هجومی اجتماعی ترماق آرقه لی جانلی روشده یایینلندی. اجتماعی میدیا و تلویزیونلرده هجوم و مسلمانلر دوچ قالگن وحشتی آن انچه مرته نمایش بیریلدی.

انقره ییلدیریم بایزیدعالی بیلیم یورتی سیاست علملر فاکولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایته میز.

عادی گینه بیر مجرم می؟ ویا ترورچی می؟

بو قنقه بیر سوال اوزی، بونقه بیر هجومگه قرشی قنچه اچینرلی بیر وضعیت. لیکن غرب سیاسیلری و میدیاسی نینگ همه سی ینگی زیلاند تاریخی نینگ اینگ قانلی هجومینی ترورچیلیک هجومی دیب ایتالمه دی. ترورچیلیکنی ریجه لب زوروانلیک و خشونت بیلن فشار، قورقیتوو ویا تهدید بیلن سیاسی بیر مقصدگه باریش دیب ایتیشیمیز ممکن. ترانت ییللب ریجه له گن حالده فقط جانلی روشده انسانلرنی قتل ایتمه گن، غربده آق تیریلیک عرقیدن تشقری هرکیمنی اولدیریلیشی کیره ک دیب 74 صحیفه لیک سببللرینی هم یازگن. ترانت اوزی ترورچی ایمس، قول اورگن حرکتی هم ترورچیلیک حادثه سی بولمسه، ایریم هیچ بیر نرسه ترورچیلیک بولالمه یدی. ترانت نینگ مینگلب ییل لیک تاریخدن، اسلام و تورک مخالفی برچه آتلرنی، جایلرنی، حادثه لرنی و بولرنی استفاده قیلگن قوراللرگه اوز تیللریده یازگن لیگی، هجومنی بیر اوزی ایمس، علمی همکارلیک آلیب قول اورگن لیگی باشقه بیر دلیل دیر.

اروپاده دیموکراسی و ایرکینلیک طرفدارلری حمایه‌سیز دیسه‌ بوله‌دی.

  اروپاده، اینیقسه‌ اقتصادي انقراض طفیلی فاشیزم و نازیزیم بارگن سری اوج آلماقده. باشقه‌ دموکراتیک مملکتلر بیلن سالیشتیریلگنیده اقتدارنی اینگ کوپ عرقچی حزبلر آره‌سیده بولیشیلگن مملکتلر غرب مملکتلری دیر. عرقچی حزبلر تأثیری نینگ کون اوتگن سری آرتیشی ایسه غرب دولتلریده‌گی ایرکینلیک، اکثریتچیلیک و لیبرالیزم روحیده‌گی کیشیلر صنفی نینگ میداندن ینه-ده‌ چیتله‌تیلیشی بیلن نتیجه‌لنماقده. مذکور صنفلر اوزلرینی باسیب آستیده قالگندیک حس قیلماقده. نتیجه‌ده غربده فرقلی یشش شرایطینی یوق قیلیشگه قره‌تیلگن تهدیدلر آرتیب بارر ایکن بو تهدید نینگ ایکّینچی دنیا اوروشیدن آلدین بولگنیدیک، بارگن سری اوزلرینی هم قورشه‌ب آلگنلیگینی سیزگن کمدن-کم رهبر موجود. 

 

البته‌‌ 50 نفر مسلمان نینگ شهید قیلینیشی آرتیدن غربده هر قنده‌ی دین، تیل و عرققه منسوب انسانلر اوز اعتراضلرینی بیلدیردی. بو وضعیت اولر نینگ مسلمان اهالیسی بیلن هم‌جهتلیکده ایکنلیگینی کورسه‌ته‌دی. اینگ مهمی اولر عمر سورگن مملکتلرده‌گی فشار آستیده‌گی محیطنی نظرگه آلگودیک بولسه‌ک، شونگه قره‌مه‌ی اولر نینگ بونده‌ی واقعه‌ آلدیده جیم جیرت قالمسلیگی، اولر حرکتی نینگ قنچه‌لیک قدرلی و مهم‌ ایکنلیگینی کورسه‌ته‌دی. غربلیک سیاستچیلر نینگ آوازی چیقمسه‌ هم ینگی زیلاند باش وزیری Jacinda Ardern نینگ سعی حرکتلری، مسأله‌لرگه غربده حلیگچه آدمگرچیلیکنی بیلگن رهبرلر نینگ بارلیگینی کوریش جهتیدن جوده‌ هم مهم‌دیر. امیدسیزلیککه توشیلگنیده، یورتیده‌گی مسلمان اهالیسی اوزینی چاره‌سیز و کیمسه‌سیز حس قیلگن بیر پیتده اردیر نینگ رومال اوره‌ب، مسلمان اهالیسیگه تعزیه‌ اظهار ایتیشی بی‌بهادیر. موضوع حقیده بیرگن بیاناتی هم آق تنلی عرقچی تروریستلرگه جواب طریقه‌سیده ایدی. او اوز بیاناتیده، «بو مملکتده دنیاگه کیلمسلیگیگه قره‌مه‌ی، بو ییرده عمر سوریشنی تنله‌گن همه‌ بیزدندیر. بو دهشتلی قتل عامگه قول اورگنلر ایسه بیزدن ایمسدیر» دیدی. اردیرگه مراجعت قیلیب، «یاردم کیره‌کمی» دیگن ترامپگه بیرگن جوابی ایسه کتّه‌ سبقدیک ایدی یعنی اردیر ترامپگه، «بوتون مسلمان اهالیسینی سیویب، اولرنی خوش کورینگ» دیدی.

عیسوي ترورچیلیگی می؟

غربلیک سیاستچیلر و مطبوعات واسطه‌لری هجومچیسی مسلمان چیققن هجوملرنی اسلام جهادچیسی، شریعتچی دیییشگه جوده قیزیقر ایکن ترّانت نینگ قتل عاملریگه «عیسوي تروریزمی» دیگن هیچ قنده‌ی بیاناتگه دوچ کیلمه‌دیم. حال‌بوکه ترّانت اعلامیه سیده، «آق تنلیلردن باشقه‌ غربده یشه گن همه‌نی اولدیریشنی تکلیف قیلیپتی. هجومی و اعلامیه سیده عیسويلیک اوچون کوپلب ریفرا‌نس بار. شونده‌ی ایکن بیران بیر هجوم نینگ دین بیلن باغلنیشی شرط بولسه اونده بو هجومنی عیسويلیک بیلن باغلش اوچون ییترلی سببلر اورته‌ده. بلکه غربده کون سری آرتیب بارگن بو خشونت عملنی صلیب ترورچیلیگی دیب اتش، مسئله نی عیسوی لیکدن چیقریب صلیب عملی دیب بهالندیریش مناسب بوله دی.

شولر نینگ همه‌سیگه قره‌مه‌ی مسأله‌نی غربدیک قولگه آلمه‌سلیک کیره‌ک. غرب مملکتلری بیز نینگ اوقیتووچیلریمیز ایمسدیر. اولر نینگ بعضی خشونتلی واقعه‌لرینی اسلام دینیگه باغلشکه حرکت قیلیشلریگه قنده‌ی قرشی بولیب تورگن بولسک، بو هجوم نینگ هم عیسوي تروری دیب ایتیلیشیگه قرشیمیز. چونکه‌ ترور واقعه‌سی نیمه‌ اوچون قول اوریلیشیگه قره‌مه‌ی تروریستلر بیلن او منسوب بولگن دین، آیدیولوژی‌ و قدریتلری آره‌سیگه مصافه‌ قوییش درکار. عکس حالده تروریستلرگه خدمت قیلگن بوله‌میز. عکس حالده اسلام دینی اوچون قول اوریلگن هجوملرده مسلمانلر، عیسوي دینی اوچون قول اوریلگن ترور هجومیده عیسويلر عیبلنگن دنیاده تینچلیک و خاطرجمعلیکنی حس قیلیش امکانسیزلیککه ایلنه‌دی.  

اوندن تشقری تروریستلرنی اولر نینگ دینی و قدریتلری بیلن بیرگه‌لیکده قولگه آلیشلیک، یوزییللر دوامیده‌ دینلرنی، دیني افراطی لیکدن قوریقلاوچی عنعنه‌لر نینگ یوقالیب کیتیشیگه یول آچه‌دی. دوستم بیرا‌ت اوزایپک بیلن گپلشکنیمیزدیک اسلام دینی ینه-ده‌ کینگ ترقه‌گن، جهاد نینگ تأثیری کوچلی بولگن و مملکتلر کوپراق شریعت بیلن باشقریلگن دورلر و منطقه‌لرده، دنیا نینگ باشقه‌ مملکتلریده اوچره‌مه‌گن منظره‌ بار ایدی یعنی مسلمانلر، عیسويلر، یهوديلر یانمه-یان یشه گن. شو نینگ اوچون هم اونی دنیا نینگ باشقه‌ نقطه‌سیده ایمس عیناً مسلمانلر باشقرگن عثمانی حدودیده، اناطولیده و هندوستانده اوچره‌تیش ممکن. او دورلرده بیران بیر مسلمان هم 11- سپتمبرده بولگنیدیک گناهسیز انسانلرنی عمومي روشده قتل قیلیش ایشلری حقیده اویله‌مه‌گن. فتو FETÖ ده بولگنیدیک، اوز خلقیگه F-16 لر آرقه‌لی هجوم قیلیشنی ایسیگه هم کیلتیرمه‌گن. بولر نینگ همه‌سی ینگی، زمانه‌وي حرکتلردیر. بامیان شهریده‌گی بودیست هیکللری، افغانستان شریعت بیلن باشقه‌ریلگن وقتده ایمس، زمانه‌وي دورده ییقیلدی.

ترّانت قول اورگن هجوم بیلن 11-سپتمبر و 15-جولایده قول اوریلگن هجوم بیردیر. اوچه‌له‌سی هم گناهسیز انسانلرگه قرشی ترتیبسیز، عدالتسیز مناسبت نینگ کورسه‌تکیچی دیر. ترّانت گناهسیز انسانلرگه قرشی قورال آرقه‌لی، لادین 11-سپتمبر کونی اوچاق آرقه‌لی، فتو FETÖ 15-جولایده F-16 لر آرقه‌لی هجوم قیلیشی عینی عمل دیر.

ترورنی دینلر بیلن بیرگه‌لیکده قولگه آلیش آرقه‌لی تروریستلر نینگ دین آرتیگه یشیرینیشیگه، اولر نینگ ینه-ده‌ کوپراق قبول قیلینیشیگه رخصت بیرمسلیک کیره‌ک.

ایندی نیمه‌ قیلیشیمیز کیره‌ک؟

ترّانت نینگ دهشتلی جنایتنی بی‌ملال بوتون دنیاگه جانلی اوله‌راق یایینلش آرقه‌لی قول اوریشیده هیچ شبهه‌سیز غربده‌گی محیط نینگ، مطبوعات واسطه‌سی نینگ و بعضی سیاسيلر ایشله‌تگن تیل نینگ، عرقچی و نفرت مضمونیده‌گی سوزلر نینگ کتّه‌ تأثیری، حصه‌سی بار. بو واقعه‌ غربده اوج آلگن اسلام فوبی‌ نینگ، ایردوغانگه قرشی یرا‌تیلگن نفرت نینگ انیق اورنه‌گیدیر.

ترّانت، بن لا‌دین و فتو کبی تروریستلر، قول اورگن ایشلرینی قنده‌ی مشروع‌ لشتریشلریگه قره‌مه‌ی بیر خیل توشونچه‌ده‌گی انسانلر، اولرگه قرشی کوره‌شیشده همکار بولیشلری کیره ک.

بوتون دنیا انسانلری سببی نیمه‌ بولیشیدن قطعي نظر ترور هجوملریگه قرشی، بیرگه‌لیکده ناراضیچیلیک کورسه‌تیشی درکار. بوگونگی کونده‌ دنیا گلوبا‌ل قیشلاقگه ایلندی. هر قنده‌ی تیل، دین و کوز قره‌شگه منسوب انسانلر دنیانینگ تورت بورچه‌گیده بیرگه‌لیکده عمر سورماقده. بیز نینگ تینچلیگیمیز و ایرکینلیگیمیزنی تارتیب آلماقچی بولگن هر قنده‌ی دین و کوز قره‌شده‌گی انسانلر نینگ بیزلرنی اوزلری نینگ قارانغو دنیاسیده باغله شیگه رخصت بیرمه‌یلیک. مقاله نی بیر چقیریغ بیلن اداغگه ییتکیزه میز. بوتون دنیاده‌گی احتیاط کار انسانلرنی بیرلشیشکه چقیره من. عکس حالده تولقینلردیک یاییلگن قارانغوولیک، بیزنی اسیر آلیشی ممکن.

انقره ییلدیریم بایزید عالی بیلیم یورتی سیاست علملر فاکولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایتدیک.

 



علاقه لی ینگی لیکلر