روسیه: افغانستان ده حکومت بیلن طالبان گروهی اورته سیده ملاقات زمینه سی یراتیشیمیز ممکن

موضوع بیلن علاقه لی روسیه تشقی ایشلر وزیرلیگی تامانیدن یازمه بیانات ترقه تیلدی

روسیه: افغانستان ده حکومت بیلن طالبان گروهی اورته سیده ملاقات زمینه سی یراتیشیمیز ممکن

روسیه، افغانستان حکومتی بیلن طالبان گروهی اورته سیده مستقیم ملاقات عملگه آشیریلیشی اوچون زمینه یراتیلیشی ممکن.

روسیه تشقی ایشلر وزیرلیگی تامانیدن بیریلگن یازمه بیاناتده، افغانستانده تینچ لیکنی برقرار قیلیش توغریسیده خلق ارا تجربه نینگ زوروانلیک نینگ فایده قیلمه گنینی کورستدی.  

بیرلشگن ملتلر تشکیلاتی خوفسیزلیک شوراسی قرارلریگه باغلیغ خلق ارا کیلیشوو جریانینی باشله تیش اوچون جدی آدیملرنینگ آتیلیشی کیره ک دیب ایتیلگن بیاناتده؛ "أفغانستان حکومتی بیلن طالبان حرکتی اورته سیده گی اوروشنی نهائی قیلیش اوچون مستقیم ملاقات فضاسینی تیزلیکده یراتیش دیر. بو اوچره شوولرنینگ اوتکزیلیشی اوچون زمینه نی مساعد قیلیش گه تیارمیز" دیب تذکر بیریلگن.

مذکور بیاناتده؛

أفغانستان نینگ شمالی منطقه لری نینگ ترور تشکیلاتی داعش تامانیدن بیر پناهگاه وضعیتی گه کیلتیریلگنی گه اشاره قیلینگن و " افغانستانده گی وضعیت، قوشنی منطقه لرده گی اولکه لرنینگ ترقیات و خوفسیزلیگی گه تاثیر قالدیره دی. أفغان مخدره مواد تولیدی نینگ کوپه ییب بارگنی هم خلق ارا تروریزم اوچون مالی همکارلیک نی انیق شکلده اثباتله ماقده" دیب ایتیلگن.

روسیه تشقی ایشلر وزیری سرگی لاوروف، افغانستانده گی سونگی وضعیت بحث بوله دیگن بیرلشگن ملتلر تشکیلاتی نینگ خوفسیزلیک شوراسی نینگ جلسه سی اوچون ایرته گه نیورک که جونب کیته دی.



علاقه لی ینگی لیکلر