ترکیه: امریکا قوشمه ایالت لری سوریه ده ترور تشکیلات لری بیلن همکارلیک قیلماقده

اوشبو مطلب ترکیه ملی خوفسیزلیک کینگشی ییغیلیشی جریانیده مطرح ایتیلدی

ترکیه: امریکا قوشمه ایالت لری سوریه ده ترور تشکیلات لری بیلن همکارلیک قیلماقده

ترکیه ملی خوفسیزلیک کینگشی ییغیلیشی بولیب اوتدی. اوشبو ییغیلیش میلادی 2018 نچی ییلی نینگ ایلک جلسه  سی دن عبارت. 

خودی منه شوو ییغیلیش جریانیده ترکیه چیگره لریده تروریست لر دن تشکیل تاپگن هر قنده ی بیراردو قوریلیشی گه اجازت بیریلمیدیگن لیگی گه تیگیشلی قرار لی لیک بیلدیریلدی.  

ترکیه جمهوریتی جمهوررئیسی رجب طیب اردوغان تامانیدن باشقریلگن اوشبو ییغیلیش 4 یریم ساعت دوام ایتدی.  خودی منه شوو ییغیلیش نینگ اداغیده ایسه بیر بیلدیرو ترقه تیلدی.  

بیلدیروده ترکیه گه قره تیلگن تهدید لرنینگ زود لیک بیلن یوق ایتیله دیگن لیگی معلوم قیلینرایکن, سوریه نینگ عفرین منطقه سیده گی ترورچی لر گه قرشی عملیات اویوشتیریلیشی توغری سیده مثبت فکر بیلدیریلدی.  

عینی دمده بیلدیروده امریکا قوشمه ایالتلری نینگ سوریه نینگ شمالیده تروریست لر دن تشکیل تاپگن بیر اردو قوریش گه حرکت ایتیاتگن لیگی گه اورین اجره تیلدی.  

بونده ی بیر اردو نینگ قوریلیشی گه اجازت بیریلمیدیگن لیگی بیلدیریلگن بیلدیروده, ترور تشکیلاتی گه بیریلگن قوراللر نینگ قیتریب آلینیشی طلب ایتیلدی.  

بوندن تشقری, اوشبو ییغیلیش جریانیده جنوری آیی نینگ 19 نچی کونیده مدتی اداققه ییته دیگن فوق العاده وضعیت نینگ تمدید ایتیلیشی نینگ وزیر لر کینگشیده مطرح ایتیلیشی توصیه قیلیندی.  

ملی خوفسیزلیک کینگشی ییغیلیشی آرتیدن ایسه جمهوررئیسی اردوغان باشچی لیگیده وزیر لر کینگشی ییغیلیشی بولیب اوتدی.  

اوشبو ییغیلیش جریانیده, ترکیه نینگ ایچی و تشقریسیده ترور تشکیلات لری گه قرشی کوره ش و فوق العاده وضعیت نینگ تمدید ایتیلیشی توغری سیده بحث ایتیلدی.   



علاقه لی ینگی لیکلر