ترامپ بیلن نظربایف اوز ارا اوچره شدی

اوشبو اوچره شوو واشنگتن ده بولیب اوتدی

ترامپ بیلن نظربایف اوز ارا اوچره شدی

آق اویده امریکا قوشمه ایالت لری دولت رهبری دونالد ترامپ بیلن اوچره شگن قزاقستان جمهوررئیسی نورسلطان نظربایف, شمالی کوریا نینگ هستوی فعالیت لری بوییچه امریکا قدر, چین و روسیه نینگ هم مهم اکتور لر دن عبارت ایکن لیگی نی بیلدیردی. 

ایککی رهبر اوچره شوو آرتیدن مشترک بیر مطبوعاتی کنفرانس ترتیب له دی. 

قزاقستان نینگ امریکا نینگ اینگ مهم متفق لری دن بیری ایکن لیگی نی بیلدیرگن ترامپ, جنوبشرقی آسیا ستراتیژی لریده قزاقستان نینگ اوزی گه خاص بیر اورین گه ایگه ایکن لیگی نی بیلدیردی. 

امریکا نینگ, افغانستانده تروریزم گه قرشی آلیب باریتگن عملیاتی بوییچه قزاقستان نینگ لوژستیک همکارلیگی نینگ مهم ایکن لیگی نی بیلدیرگن ترامپ, اوشبو همکارلیک نینگ دوام ایتیشی نی امید ایتیاتگن لیگی نی ایسله تیب اوتدی.

ترامپ, امریکا بیلن قزاقستان اورته سیده گی اقتصادی علاقه لر نینگ کونساین آرتیب باریتگن لیگی نی بیلدیردی. 

نظربایف, افغانستانده بر قرارلیک نینگ تامین ایتیلیشی گه کتته اهمیت بیریاتگن لیک لری نی بیلدیررایکن, اوشبو جغرافیه نینگ تروریست لر دن تصفیه ایتیلیشی اوچون واشنگتن بیلن همکارلیک قیلیاتگن لیک لری نی ایسله تیب اوتدی. 

عینی دمده نظربایف, حاضرگی کون گه قدر قزاقستان نینگ افغانستانگه 75 میلیون دالر یاردم قیلگن لیگی نی معلوم قیلدی. 



علاقه لی ینگی لیکلر