امریکا قوشمه ایالتلری ترکیه نینگ باسیم لری گه چیدیه آلمه دی

شونده ی قیلیب امریکا ترورچی لر دن تشکیل تاپگن اردو قوریش پلانیدن واز کیچدی

امریکا قوشمه ایالتلری ترکیه نینگ باسیم لری گه چیدیه آلمه دی

امریکا قوشمه ایالت لری مدافعه وزیرلیگی (پنتاگون), سوریه ده سوریه دموکراتیک کوچلری آتیدن فایده لَنیاتگن ترور تشکیلاتی پی وای دی/پی کا کا دن فایده له نیب, "چیگره خوفسیزلیک کوچی" قوریش پلانی نینگ بولمه گن لیگی نی بیلدیردی. 

پنتاگون سوزلاوچی لریدن بیری بولگن ایریک پاهون, "امریکا, سوریه ده محللی خوفسیزلیک کوچ لری نینگ ملکه سی نی آشیریش نی دوام ایتتیره دی.  اوشبو پلان نینگ اساسی مقصدی اوی لری نی ترک ایتگن کوچمنچی لرنینگ اوز یورت لری گه قیتیب باریش لری اوچون خوفسیزلیک نی تامین ایتیش دن عبارت.  عینی دمده موجود بوشلیق لرنینگ داعش تامانیدن تولدیریلمس لیگی اوچون اوشبو پلان گه احتیاج تویلماقده.  اوشبو مطلب ینگی بیر اردو معنی سی گه کیلمَیدی" دییه قید ایتدی. 

پاهون, اوشبو کوچ نینگ بیرلشگن ملت لر تشکیلاتی ایتکچی لیگی ده گی ژنیو پروسه سی گه حصه قوشه دیگن لیگی نی معلوم قیلدی. 

ترکیه نینگ خوفسیزلیک بوییچه خواطر لری نی درک ایتیاتگن لیک لری نی معلوم قیلگن پاهون, "ترکیه حقلی بیر شکلده خوفسیزلیک بوییچه خواطر بیلدیرماقده.  داعش نی مغلوبیت گه اوچره تیش اوچون سوریه ده گی فعالیت لری میز بوییچه ترکیه گه قرشی شفاف بیر سیاست آلیب باره میز.  تروریزم گه قرشی کوره ش بوییچه ناتو متفق لری میز بیلن بیر یقه دن باش چیقاره میز" دییه قید ایتدی. 

امریکا قوشمه ایالتلری ایتکچی لیگی ده گی داعش گه قرشی کوره ش ائتلافی نینگ سوزلاوچیسی ریان دیللون, یکشنبه کونی بیرگن بیاناتیده, ترورچی لر دن تشکیل تاپگن 30 مینگ کیشی لیک, "چیگره خوفسیزلیک کوچی" نینگ قوریله دیگن لیگی نی بیلدیرگن ایدی. 

بیراق پنتاگون ایندی بونده ی بیر اردو نینگ قوریلمَیدیگن لیگی نی بیلدیردی. 



علاقه لی ینگی لیکلر