خلق ارا اکتور لر بیلن منطقه مقیاسیده گی معمالرنینگ قنده ی قیلیب ییچیلیشی ممکن ایمس؟

ییلدیریم بایزید عالی بیلیم یورتی سیاست بیلیم لری فاکولته سی نینگ باشلیغی پروفیسر داکتر قدرت بلبل نینگ تورک تیلیده یازگن مقاله سیده اوزبیک تیلیده گی ترجمه سی

خلق ارا اکتور لر بیلن منطقه مقیاسیده گی معمالرنینگ قنده ی قیلیب ییچیلیشی ممکن ایمس؟

خلق ارا اکتور لر بیلن منطقه مقیاسیده گی معمالرنینگ قنده ی قیلیب ییچیلیشی ممکن ایمس؟

اوتگن هفته ده خلق ارا اکتور لر بیلن منطقه مقیاسیده گی معمالرنینگ ییچیلیشی نینگ ممکن ایمس لیگی توغری سیده قیسقه چه بحث ایتگن ایدیک.  بوگون اوشبو موضوع نی بهالنتیره میز عزیز دوست لر. 

یقین اوتمیشده, خلق ارا اکتور لر یاکه اوشبو اکتولر ایتکچی لیگیده قوریلگن خلق ارا ائتلاف لر تامانیدن مداخله قیلینگن اولکه لرنینگ هیچ قیسی سیده برقرار لیک نینگ اورنه تیلمه گن لیگی کورینماقده.  عکسینچه اوشبو اولکه لرده اوزلوکسیز بیر برقرارسیزلیک نینگ حاکم بولگن لیگی نی ایسله تیب اوتیشی میز ممکن.  باشقه چه قیلیب ایتگنده, اوشبو اولکه لرنینگ اکثریتیده ینه ده کوپراق قان توکیلیب, انسان لر کوچ ایتیب کیترایکن, اقتصادی بحران لر باشلب کیتدی.  شونده ی قیلیب خودی منه شوو اولکه لر ینه ده کوپراق یشش نینگ ممکن بولمه گن بیر جغرافیه گه ایله نیب قالدی.

یقین اوتمیشده خلق ارا اکتور لرنینگ مداخله سی بیلن بحران لرنینگ باشلب کیتگن جغرافیه لر گه قیسقه بیر نظر سالینیشی نتیجه سیده اوشبو حقیقت یققال کورینیب قاله دی. 

سویت لر اتفاقی قولب کیتدی.  بیراق, سابق سویت اتفاقی تامانیدن اشغال ایتیلیشی آرتیدن افغانستانده باشله گن بحران حاضرگی کونده هم دوام ایتماقده. 

هه, صدام بیر دیکتاتور دن عبارت ایدی.  صدام نینگ باسیم قیلیاتگن رژیمی رهبریتی آستیده کوپلب کیشی کتته قیین چیلیکلرگه دوچ کیلیب قالدی.  بیراق, خلق ارا اکتور لرنینگ مداخله سی آرتیدن عراق نی باشقره باشله گن کیشی لرنینگ سیاست لری گه قره گنده, ایندی عراق لیق لرنینگ نیچه فایزی نینگ صدام رژیمی ایمس بلکه حاضرگی کونده گی رژیم گه طرفدار ایکن لیگی خصوصیده بیر سئوال توغیله دی.

خلق ارا اکتور لرنینگ مداخله سی بیلن بولینیب قالگن و یغمالنگن بیر لیبیا نینگ کیله جگی باره سیده لیبیالیک لرنینگ نیچه فایزی نینگ امیدی بار؟

سوریه چی؟ اولکه ده یشیاتگن کیشی لرنینگ تقریباً همه سی نینگ کوچ قیلیش گه مجبور بولگن, یوز مینگلب کیشی نینگ جان بیرگن, مدنیت مرکزی بولیب کیلگن دمشق و حلب سنگری شهرلر نینگ ایندی تانیلمیدیگن بیر وضعیتگه کیلیب قالگن سوریه ده, خلق ارا اکتور لرنینگ مداخله سی بیلن کیم نینگ قنده ی بیر کیله جک دن امید ایتیشی ممکن؟

افغانستانده اونلب ییل دوام ایتگن اوروشلر جریانیده کتته قیین چیلیک لر گه دوچ کیلیب قالگن پاکستان نینگ ایندی امریکا قوشمه ایالت لری تامانیدن تهدید ایتیلیاتگن لیگی کورینماقده.  شونده ی قیلیب اوشبو اولکه هم آلدینگی ییل لر بیلن سالشتیریلگنده ینه ده کتته راق بیر بحران گه دوچ کیلیب قالگن وضعیتده. 

تهدید, جعل کارلیک و بجا کیلتیریلمه گن وعده لر نتیجه سیده دنیا نینگ اینگ مهم رهبر لری دن بیری بولگن علی عزت بیگویچ تامانیدن امضالنگن وایتون کیلیشووی نینگ بوزنیالیک مسلمان لرگه نیمه فایده سی بولدی؟ بوزنیالیک مسلمان لرنی قیرغین قیلگن صربستان لیک قاتل لر خلق ارا  اوروش جرم لری محکمه سی تامانیدن محکوم ایتیلرایکن, بوزنیا- هرزگوینا, صرب لر, کروواسیالیک لر و بوزنیا لیک لر اورته سیده بولینیب قدم تشله نیشی ممکن بولمه گن بیر اولکه گه ایله نیب قالدی. 

حاضرچه بنگلدیش گه بارگن لیک لری و اوزاق ایکن لیک لری اوچون غرب گه ییتیب باره آلمیاتگن لیک لری سببلی, میانمار تامانیدن اوی لری یاندیریلگن, اولدیریلگن و کوچ ایتیش گه مجبور قیلینگن اراکان مسلمان لری نینگ ایسه بین المللی جامعه یاکه خلق ارا اکتور لر نینگ دقتی نی اوزی گه تارتمَیتگن لیگی کورینماقده.  ایسلری گه کیلگن پیتده ایسه, اولر بیلن علاقه لی عادلانه بیر ییچیم یولی قیدیره دیگن لیگی یاکه قیدیرمیدیگن لیگی انیق ایمس. 

سونگگی عصرده خلق ارا اکتور لرنینگ مداخله سی بیلن فلسطین نینگ قنده ی بیر وضعیتگه کیلیب قالگن لیگی کورینیب تورگن بیر حقیقت نی تشکیل ایتماقده.  یعنی فلسطین, اسرائیل تامانیدن اشغال ایتیلیشی آرتیدن کونساین توپراق لری و ایرکین لیک لری کمییب باریتگن یریم آچیق بیر قماقخانه گه ایله نیب قالگن وضعیتده. 

اوشبو موضوع بیلن علاقه لی ینه هم کوپراق مثال بیریشی میز ممکن البته که. 

یوقاریده بحث ایتیلگن بحران لرنینگ همه سی نینگ مسلمان لرنینگ یشیاتگن جغرافیه لرده بحث موضوعی ایکن لیگی کورینماقده.  اوشبو موضوع نینگ آیدینله تیلیشی و بهالنتیریلیشی کیره ک. 

خلق ارا اکتورلر نینگ مداخله سی بیلن معما لر نیمه اوچون قالووچی بیر وضعیتگه کیلماقده؟

اوشبو وضعیت نینگ اینگ مهم سببی, خلق ارا اکتور لرنینگ ذهنیتی دن عبارت.  یعنی اوشبو اکتور لر, عدالت, حق و ارزش لر ایمس, بلکه اوز منفعت لری نی خلق ارا سیاست اوله راق بهالنتیرماقده.  اوروپا بیرلیگی نینگ تورکیه بوییچه راپورتری کاتی پیری جاری هفته ده بیرگن بیاناتلریده, 40 مینگ کیشی نینگ قاتلی بولگن ترور تشکیلاتی پی کا کا نینگ اوروپا بیرلیگی جهتی دن هیچ قنده ی بیر تهدید تشکیل ایتمیاتگن لیگی نی معلوم قیلدی. اوشبو بیانات نینگ اوزی خودی منه شوو فکری میز نینگ اثباتی دن عبارت.  اوزی گه ضرر بیرمس لیگی تقدیرده, تروریزم بیلن علاقه لی هیچ قنده ی بیر قیغو گه ایگه بولمسلیک نینگ اوزی, انسانلیق جهتی دن قیغولی بیر وضعیتدن عبارت البته که.  بیز نینگ مدنیتی میزده بونده ی بیر مفکوره نینگ قبول قیلینیشی ممکن ایمس.  یعنی بیز هیچ بیر معما گه قرشی امپریالیست مفکوره گه ایگه ایمس میز.  باشقه چه قیلیب ایتگنده منفعتی میز اوچون هر نرسه نی قیلیشی میز ممکن ایمس.  بیز نینگ مدنیتی میزده اوروش نینگ هم حقوقی بار.  حقوق نی اوروش اوچون بیر وسیله گه ایلنتیرگن ایمس, بلکه حقوق دایره سیده اوروشگن بیر ملت میز.  اوز منفعتی دایره سیده سیاست آلیب باریاتگن خلق ارا اکتورلر, منطقه مقیاسیده گی بحران لر بوییچه هم خودی منه شونده ی بیر سیاست ایگه سی. 

خودی منه شوو خلق ارا اکتور لر نینگ منطقه میزده گی برچه بحران لرنینگ منبعی دن عبارت ایکن لیگی کورینماقده.  خلق ارا اکتورلر نینگ, بیر بیر لری گه ضرر بیریش اوچون, تیز تیز منطقه مقیاسیده گی بحران لر نی حمایت قیلیب, اوز منفعت لری دایره سیده منطقه بحران لریدن استفاده ایتیش لری ممکن.

خلق ارا اکتور لر نینگ موجود معمالر و بحران لر نی چقورلشتیریش اوچون بیر سیاست آلیب باریشی احتمالی موجود.  امریکا قوشمه ایالت لری نینگ سوریه مسئله سی بوییچه آلیب باریاتگن سیاست لری خودی منه شوو حقیقت نینگ اثباتیدن عبارت. 

کوپ مقدار ده سلاح ساتیاتگن لیک لری سببلی, منطقه مقیاسیده گی بحران لر نینگ خلق ارا اکتور لر جهتی دن یخشی بیر تجاری امکانیت دن عبارت بولیشی ممکن. 

باشقه بیر تاماندن ایسه, خلق ارا اکتور لرنینگ, منطقه مقیاسیده گی بحران لردن تقریباً هیچ بیر شکلده تاثیرلنمه گن لیگی کورینماقده.  شونده ی قیلیب اوشبو بحران لر دن اینگ کوپ تاثیرلنگن تامان لر منطقه اولکه لریدن عبارت. 

خلق ارا اکتور لر منطقه دن بولمه گن لیگی اوچون, منطقه خلق لری اورته سی گه نفاق تشلش اولر گه هیچ قنده ی بیر تاثیر قالدیرمَیدی.

یوقاریده بحث ایتیلگن سبب لر بیلن, منطقه مقیاسیده گی بحران لرنینگ ییچیلیشی اوچون خلق ارا ایمس, بلکه منطقوی ائتلاف لر باره سیده باش قاتیریش کیره ک. 

معما لرنینگ همه سی گه خلق ارا  اکتور لرنینگ سبب بولگن لیگی نی بیلدیریش هم ممکن ایمس البته که.  کوپینچه بحران لرنینگ منبعی و خلق ارا اکتور لرنینگ مداخله سببلری منطقه اولکه لری نینگ سیاستلریدن عبارت. عینی دمده منطقه اولکه لری نینگ ینگلیشلیق لری هم باشقه بیر مقاله بیلن یاریتیلیشی کیره ک بولگن بیر موضوع نی تشکیل ایتماقده. مین, منطقه مقیاسیده گی بحران لرنینگ ییچیلیشی اوچون تعقیب ایتیلیشی کیره ک بولگن بیر یول یاکه ناتوغری یوللر نینگ نتیجه سی باره سیده بحث ایتماقده من.  منطقه مقیاسیده بیر ییچیم یولی نینگ تاپیلمسلیگی تقدیرده, منطقه اولکه لری خلق ارا اکتور لرنینگ رقابت لریدن ضرر کوره دی.

قوشنی اولکه لرنینگ توسعه طلب لیک, مذهبچیلیک و اِرقچیلیک سیاست لری توغریسیده حقلی بیر شکلده تنقید لری میزنینگ بولیشی ممکن.  منطقه اولکه لری نینگ اوشبو سیاست لری سببلی منطقوی بیر ییچیم یولی تاپیش بوییچه سعی و حرکت ایتیش نینگ قیین بولیشی احتمالی موجود.  بیراق, یوقاریده بحث ایتیلگن لیگی دیک, منطقه مقیاسیده گی معما لر گه منطقوی ییچیم یولی نینگ تاپیلمس لیگی تقدیرده, خلق ارا اکتور لر اوشبو بحران نی ینه ده چقورلشتیرماقده. قالووچی بیر وضعیتگه کیلیب قالگن بحران لر خلق ارا اکتور لرنینگ مداخله سی اوچون زمینه یره تیب بیرماقده.  اوشبو وضعیت نینگ اوزی ایسه, بیر مینگ ییلدن بیری بیر یقه دن باش چیقاریب کیلیاتگن بیر جغرافیه انسان لری نینگ بیر بیر لری گه قرشی اوروشیش لری گه سبب بولماقده. شوباعث, برچه قیین چیلیک لر گه قره مسدن, منطقه مقیاسیده گی معما لرنینگ, منطقه اولکه لری تامانیدن ییچیلیشی اوچون بوتون امکانیت لر دن استفاده ایتیلیشی کیره ک. 

ییلدیریم بایزید عالی بیلیم یورتی سیاست بیلیم لری فاکولته سی نینگ باشلیغی پروفیسر داکتر قدرت بلبل نینگ اوشبو خصوصده گی فکر و ملاحظه لری نی حضورینگیز گه تقدیم ایتدیک عزیز دوست لر. 



علاقه لی ینگی لیکلر