انگلستان، روس دیپلوماتلرنی دیپورت قیلیب چیقره دی

خوددی شو موضوعنی انگلستان باش وزیری اوز صحبتیده ایتیب اوتدی.

انگلستان، روس دیپلوماتلرنی دیپورت قیلیب چیقره دی

انگلستان باش وزیری ترزامی، پارلمان نینگ قوییده گی بولیمیدن عبارت اوام کمرسده قیلگن اوز صحبتیده، ایسکی روس استخباراتچی سکریپال و اونینگ قیزی یولیانینگ اوتگن هفته سالیسبوریده گاز آرقه لی زهرلنیشی بیلن ارتباطی بولگن لیگی ایتیلگن 23 نفر روس دیپلوماتنی دیپورت قیلیب چیقره جکلرینی ایتدی.

می، بونینگ ساووق اوروش (1947-1991) باسیمیدن بوگونگچه عملگه آشیریلگن اینگ بویوک اخراج قیلیش حادثه سی ایکنینی معلوم قیلدی.

روس دیپلوماتلرنینگ دیپورت قیلینیشی، روس استخباراتی نینگ انگلستان توپراقلریده گی فعالیتلریگه اوزاق مدت ضرر وارد قیله دی، دیب ایتدی.

می، دیپلوماتلرگه مملکتنی ترک ایتیشلری اوچون 1 هفته مهلت بیرگن لیکلرینی بیلدیردی.

لندن عین دمده مسکو بیلن یوقاری سویه ده گی مناسبت نینگ توخته تیب قویگنلیکلرینی قید ایتدی.

انگلستان شاهی عایله سی نینگ 2018 – ییلی روسیه ده اویوشتیریله دیگن دنیا فوتبال کپ گه اشتراک ایتمس لیگی معلوم قیلینماقده دیر.

انگلستان، ایسکی روس استخباراتچی سرگی سکریپال و قیزی یولیانینگ اوتگن هفته گاز آرقه لی زهرلنیشی حادثه سی بیلن علاقه لی تحقیق توغریسیده معلومات بیریش اوچون بیرلشگن ملتلر تشکیلاتی خوفسیزلیک کینگشینی عاجل جلسه گه دعوت قیلگن ایدی.



علاقه لی ینگی لیکلر