چینده انفجار عاقبتیده کوپلب کیشی هلاک بولدی

اوشبو حادثه چین نینگ شان شی ایالتیده یوز بیردی

چینده انفجار عاقبتیده کوپلب کیشی هلاک بولدی

چین نینگ شمالغربیده گی شان شی ایالتیده, منفجره مواد یوکلنگن موتر نینگ پارتلب کیتیشی عاقبتیده 7 کیشی جان بیررایکن, 13 نفر ایسه یره لندی. 

شینهوا خبر آژانسی, شان شی ایالتی گه باغلیق پوسادین قشلاغیده 5,28 تن منفجره مواد تاشیاتگن موترده, نامعلوم سبب بیلن انفجار حادثه سی یوز بیرگن لیگی نی بیلدیردی. 

یره لنگن کیشی لردن بیری نینگ تداوی آرتیدن کسلخانه دن رخصت قیلینگن لیگی بیلدیریلرایکن, بیر نفر زخمی نینگ وضعیتی نینگ ایسه یامان ایکن لیگی معلوم قیلیندی. 

دیپو گه جایلشتیریلیشی اوچون یوباریلگن منفجره مواد نی تاشیاتگن اوشبو موتر نینگ بیر کیمیا شرکتی گه عاید ایکن لیگی معلوم قیلینرایکن, مذکور واسطه نینگ دیپو نینگ تشقریسیده پارتلب کیتگن لیگی بیلدیریلدی. 

اوشبو انفجار حادثه سی بیلن علاقه لی تیرگاو دوام ایتماقده. 



علاقه لی ینگی لیکلر