جنرال دوستم کیله جک هفته ده افغانستانگه تشریف بویوره دی

ایککی هفته لیک مذاکره آرتیدن جنرال دوستم نینگ افغانستانگه کیلیشی گه قرار قیلینگن لیگی بیلدیریلدی

جنرال دوستم کیله جک هفته ده افغانستانگه تشریف بویوره دی

بیر منبع تامانیدن بیریلگن معلوماتگه کوره افغانستان جمهوررئیسی نینگ بیرینچی اورینباسری سترجنرال عبدالرشید دوستم کیله جک هفته ده یکشنبه کونی تورکیه دن افغانستانگه تشریف بویوره دی.

خوددی شوو منبع جنرال دوستم نینگ افغانستانگه تشریف بویوریشی آرتیدن اوز وظیفه سینی دوام ایتتیره دیگن لیگی نی بیلدیردی.   

بیراق, جنرال دوستم نینگ کیلیش تاریخی کوپلب منبع لر تامانیدن تائید ایتیلمه گن.

جنرال دوستم نینگ افغانستانگه قیتیشی گه تورکیه گه تشریف بویورگن افغانستان حکومتی هیئتی نینگ ایککی هفته لیک مذاکره لری نتیجه سیده قرار قیلینگن لیگی معلوم قیلیندی. 

بیرینچی هفته ده گی هیئت نینگ باشلیغی افغانستان جمهوررئیسی نینگ ایککینچی اورینباسری محمد سرور دانش دن عبارت ایکن, ایککینچی هفته ده گی هیئت نینگ ایسه افغانستان ایش و اجتماعی ایشلر, شهیدلر و معیوبلر وزیری فیض الله ذکی تامانیدن باشقریلگن لیگی بیلدیریلدی. 

قوماندان نظام الدین قیصاری نینگ افغانستان کوماندو لری تامانیدن اوشله نیب کابل گه آلیب باریلیشی آرتیدن باشلب کیتگن و 18 کون دن بیری دوام ایتیاتگن مظاهره لر دایره سیده مظاهره چی لر هم جنرال دوستم نینگ افغانستانگه کیلیشی و قوماندان قیصاری نینگ قویب یوباریلیشی نی طلب ایتماقده. 



علاقه لی ینگی لیکلر