افغانستان شمالیده طالبان نینگ کتته بیر قوماندانی اولدیریلدی

اوشبو مطلب نی 209 شاهین قول اردوسی بیلدیردی

افغانستان شمالیده طالبان نینگ کتته بیر قوماندانی اولدیریلدی

افغانستان هوایی کوچلری نینگ فاریاب ولایتیده طالبان گروهی نینگ مرکزی نی بمباران قیلیشی نتیجه سیده کمیده 11 نفر طالبان جنگری سی هلاکتگه اوچره دی.

209 شاهین قول اردوسی افغانستان هوایی کوچلری نینگ ایرته لب فاریاب ولایتی خواجه سبز اولسواللیگیده جایلشگن طالبان مرکزی نی بمباران قیلگن لیگی نی بیلدیردی. 

قول اردو اوشبو عملیات نتیجه سیده کمیده 11 نفر طالب جنگری سی نینگ هلاکتگه اوچره گن لیگی نی معلوم قیلدی. 

عینی دمده قول اردو تامانیدن بیریلگن بیاناتده, اوتگن کون افغانستان هوایی کوچلری تامانیدن خوددی شوو اولسواللیک نینگ اوزیده اویوشتیریلگن بیر عملیات نتیجه سیده طالبان نینگ مهم قوماندان لریدن بیری بولگن قاری تاج الدین نینگ 20 نفری بیلن بیرگه هلاکتگه اوچره گن لیگی بیلدیریلدی. 

طالبان گروهی ایسه, 209 شاهین قول اردوسی تامانیدن بیریلگن اوشبو معلومات خصوصیده حاضرچه هیچ قنده ی بیر بیانات بیرگن ایمس. 



علاقه لی ینگی لیکلر