تورکیه نینگ مطبوعات خلاصه لری

تورکیه نینگ مطبوعات خلاصه لری

تورکیه نینگ مطبوعات خلاصه لری

تورکیه نینگ مطبوعات خلاصه لری  

یینی شفق روزنامه‌سی، «ایرانگه جاري ایتیلگن چیکلاولرنی توغری دیب بهاله‌مه‌یمن»، سرلوحه‌سی بیلن بیرگن خبرده یازیلیشیچه، تورکيه جمهور باشلیغی رجب طیب ایردوغان امریکا قوشمه ایالتلری نینگ ایرانگه قرشی چیکلاولرینی ناتوغری دیب بهاله‌دی.

 

«اوشبو چیکلاولر دنیاده‌گی موازنتنی ایزدن چیقره‌دی. تورکيه قطعیاً بو چیکلاولرگه عمل قیلمه‌یدی. امریکا قوشمه ایالتلری چیکلاولری خلق‌ارا حقوق و دیپلوماسی معیارلریگه اوته‌ ضد. خلق‌ارا درجه‌ده‌گی امپریالیزمگه قرشیمیز»،دیدی تورکيه جمهور باشلیغی ایردوغان.

 

حریت روزنامه‌سی، «چیکلاولر بیلن بیران نتیجه‌گه ایریشیب بولمه‌یدی» سرلوحه‌سی بیلن بیرگن خبرگه کوره‌، تورکيه تشقی ایشلر وزیری مولود چاووش اوغلی جاپان‌گه سفری چاغیده پایتخت توکیوده‌گی ملي مطبوعات کلوپیده ژورنالیستلر بیلن اوچره‌شوو اوتکزدی.

امریکا قوشمه ایالتلری نینگ ایرانگه نسبتاً جاري ایتگن چیکلاولریگه مناسبتینی بیلدیرگن چاووش اوغلی ایراننی بو شکلده جزالنتیریش مملکت خلقیگه حقسیزلیک ایکنلیگینی تیلگه آلدی.

«تورکيه چیکلاولرگه قرشی. چیکلاو بیلن بیران نتیجه‌گه ایریشیب بولمه‌یدی. بیز بونگه ایشانمه‌یمیز. چیکلاولر اورنیگه ملاقات و اوزارا کیلیشوو یولیدن باریش ایکّی تامانگه هم منفعت آلیب کیله‌دی»،دیدی

خبر تورک روزنامه‌سی، «ملي مدافعه‌ وزیری خلوصی آقر سودانده» سرلوحه‌سی بیلن بیرگن خبرده، تورکيه ملي مدافعه‌ وزیری خلوصی آقر توناون رسمی سفر بیلن سودا‌ن جمهوریتی گه باردی. خلوصی آقر تشریفی چاغیده سودا‌ن دولت رهبری عمر البشیر و بیر قطار حربي مسؤللر بیلن اوچره‌شدی.

بولیب اوتگن اوچره‌شوولرده تورکيه تامانیدن سودا‌نده قوریلیشی ریجه‌لشتیریلگن حربي-اوقوو مرکزیگه دایر فعالیتلر محاکمه‌ قیلیندی.

ستار روزنامه سی: تورکیه اروپانینگ هواچیلیک ساحه سیگه اینگ کوپ حصه قوشگن اولکه

تورکیه 1 اپریل – 29 سپتمبر تاریخلری آره سیده اوتگن ییل نینگ شو دوریگه کوره 8،4 فایز توسعه قیلیب اروپا هوا ترافیک ساحه سیگه اینگ کوپ حصه قوشگن بولیب ثبت بولدی.

 

صباح روزنامه‌سی، «دنیا نینگ اینگ ییریک یاقیلغی قوییش تیزیمی استانبول قونلغه سیده» سرلوحه‌سی بیلن بیرگن خبرگه کوره‌، شو ییل نینگ 29 آکتوبر کونی استانبول قونلغه سی نینگ آچیلیشی آلدیدن، ینگی قونلغه  خلق‌ارا هوا ترانسپورتی اتفاقی تامانیدن تیکشیروودن اوتکزیلدی.

آلیب باریلگن تیکشیروولر نتیجه‌سیده ینگی قونلغه گه یاقیلغی قوییش تیزیملری بوییچه‌ یوقاری بها بیریلدی.

 

استانبول قونلغه سی 300 مینگ دن کوپ متر مکعب ذخیره‌لش حجمیگه ایگه‌ بولیب، تخمیناً 105 کم مصافه‌لی پایپ نلی، 512 ته اوچاققه یاقیلغی قوییش نقطه‌سی، 73 ته یاقیلغی تولدیریش واسطه‌سی بیلن دنیا نینگ اینگ ییریک یاقیلغی ذخیره‌لش و هیدرا‌نت تیزیمینی اوزیده مجسم قیله‌دی.



علاقه لی ینگی لیکلر