خاتینی نینگ بویره گی نی یاشیرینچه ساتدی

اوشبو حادثه هندوستانده یوز بیردی

خاتینی نینگ بویره گی نی یاشیرینچه ساتدی

هندوستان نینگ بنگال ایالتیده پولیس الده تیب خاتینی نینگ بویره گی نی ساتگن ایرکک نی اوشله دی. 

ییگیرمه سککیز یاشلی عیال ریتا سرکار ایککی ییل آلدین قارنیده آغریق باشله لیگی اوچون ایری نینگ اونی کلکته ده گی خصوصی بیر کسلخانه گه آلیب بارگن لیگی نی بیلدیردی. 

ریتا سرکار, "داکتر لر, اپندکس عملیاتی قیلگن لیک لری نی بیلدیردی" دییه قید ایتدی. 

اوشبو عیال نینگ ایری خاتینی نینگ خودی منه شوو عملیات توغری سیده باشقه کیشی لر گه بحث ایتمس لیگی نی طلب ایتگن. 

ریتا سرکار نینگ قارنیده گی آغریق اوتیب کیتمه گچ, قرینداش – اوروغ لری اونی کسلخانه گه آلیب بارگن. 

کسلخانه ده گی طبی تیکشیرو لرده اوشبو عیال نینگ اونگ بویره گی نینگ بولمه گی انیقلنگن. 

هندوستانلیک ایرکک نینگ خاتینی نینگ بویره گی نی یاشیرینچه بیر تاجر گه ساتگن لیگی انیقلندی. 

ریتا سرکار, اقتصادی امکانیت لری نینگ یخشی بولمه گن لیگی اوچون اونینگ عایله سی نینگ کیاویگه وعده قیلگن قلین (قریب اوچ مینگ دالر) نی بیره آلمه گن لیگی سببلی ایری نینگ بونده ی بیر ایش قیلگن لیگی نی بیلدیرماقده. 

هندوستانده قیز تامانی کیاو گه معلوم بیر مقدار قلین بیره دی.   



علاقه لی ینگی لیکلر