تورکیه یمن خلقی نینگ دردی گه مرهم بولماقده

تورکیه ده یمن خلقی اوچون یاردم کمپاینی باشله تیلدی

تورکیه یمن خلقی نینگ دردی گه مرهم بولماقده

تورکیه جمهوریتی یمن خلقی اوچون یاردم کمپاینی باشلتدی. 

تورکیه دینی ایشلر باشقرمه سی باشلیغی علی ارباش, یمن گه یاردم کمپاینی نینگ تانیتیلیشی بیلن علاقه لی بولیب اوتگن ییغیلیشگه اشتراک قیلدی. 

ارباش, خوددی شوو ییغیلیش جریانیده قیلگن صحبتیده, بشریت نینگ مهم سیناو لردن اوتیاتگن لیگی نی بیلدیررایکن, ایندی بشریت نینگ وجدان سیناوی بوییچه یمنده ناکام قالگن لیگی نی ایسله تیب اوتدی.

یمنده 22 میلیون کیشی نینگ قحطچیلیک سببلی حیاتدن کوز یومیشی نینگ ممکن ایکن لیگی نی معلوم قیلگن ارباش, شاشلینچ روشده یاردم قیلینمس لیگی تقدیرده, 11 میلیون کیشی نینگ اولیشی احتمالی نینگ موجود ایکن لیگی نی بیلدیردی. 

ارباش, یمنده ساغلیق سکتوری زیربنا سی نینگ بوتونلی یوق بولیب کیتگن لیگی نی بیلدیررایکن, "کوپچیلیگی الحُدیده شهریده بولگن 1,2 میلیون کیشی کولرا کسللیگی گه چلینگن وضعیتده.  اوروش لر سببلی اوی لری نی ترک ایتیب کیتگن 2,6 میلیون کیشی نینگ ایسه بیرینچی دن اوی گه ضرورت لری بار" دییه قید ایتدی. 

تورکیه جمهوریتی دینی لر ایش باشقرمه سی دیانت وقفی نینگ, حاضرگی کونگه چه یمن خلقی گه  8,5 میلیون لیره (تقریباً بیر میلیون آلتی یوز مینگ دالر) یاردم قیلگن لیگی نی بیلدیرگن ارباش, اوز سوز لری نی, "بوگون هم یمن خلقی اوچون کینگ کولملی بیر یاردم کمپاینی باشله ته میز.  ملتی میز نی بیر یقه دن باش چیقاریب کوچلی بیر شکلده یاردم قیلیش گه چقیره میز" شکلیده دوام ایتتیردی. 



علاقه لی ینگی لیکلر