فرانسه ده ناراضی لیک مظاهره لری دوام ایتماقده

ایندی اوقووچیلر هم مظاهره گه قول اورماقده لر.

فرانسه ده ناراضی لیک مظاهره لری دوام ایتماقده

فرانسه ده جمهور باشلیغی امانوئل مکرون و حکومت نینگ معارف بیلن تیگیشلی سیاستی گه ناراضی لیک کورستیش اوچون مملکت مقیاسیده اویوشتیریلگن مظاهره لر جریانیده یوز بیرگن حادثه لر باعث 700 دن آرتیق اوقووچی نظارت گه آلیندی.

فرانسه مطبوعاتی نینگ ایچکی ایشلر وزیرلیگی منبعی گه تیانتیریب بیر خبریگه کوره، مملکت مقیاسیده مکرون و حکومت نینگ معارف بیلن تیگیشلی سیاستی گه ناراضی لیک کورستیش اوچون توناون کونی اوتکزیلگن مظاهره جریانیده یوز بیرگن حادثه لر باعث 700 دن آرتیق اوقووچی نظارت گه آلینگن. توناون کونی 280 لیسه ده تماماً و یا قسماً درسلر تعطیل قیلینگن.

اوقووچیلر دوشنبه کونیدن بیری مملکت مقیاسیده مظاهره قیلیب بارماقده لر.

اوقووچی صندوقلری ایسه مظاهره لرنینگ کینگ – کولملی اوله راق دوام ایته جگینی اشاره قیلماقده لر.

اوتگن کون اوتکزیلگن مظاهره لر جریانیده یوز بیرگن حادثه لرده 32 اوقووچی نظارت گه آلینگن ایدی.

عیندمده پایتخت پاریسده سریغ وسکت لی لر تامانیدن اوتکزیله دیگن مظاهره اوچون رستورانت، مغازه و موزیم لر یاپیله دی.

مملکت مقیاسیده اوتکزیله دیگن مظاهره لرده 65 مینگ پولیس وظیفه اجرا قیله دی.

مطبوعاتگه کوره، مسؤللر اوتگن هفته "سریغ وسکت لی لر" نینگ مظاهره لری جریانیده دوکانلرنینگ اوغیرلنگن لیگی، شیشه لرنینگ سینگن لیگی، موتر و بعضی بیر بنالرنینگ اوتگه بیریلگن لیگی کبی شدت حادثه لریدن خواطرده ایکن لیکلری بیلدیریلدی.

مملکتده نفت نینگ نرخی نینگ یوقاری باریشی و اقتصادنینگ یمانله شیب باریشی گه ناراضی لیک کورسه تیب 17 نوامبرده باشلنگن سریغ وسکتلی لرنینگ مظاهره لری، مملکتده سونگی ییللرنینگ اینگ شدتلی مظاهره سی گه اوگیریلدی.

پایتخت پاریس نینگ Champs-Elysees جاده سی اطرافیده 1 اکتوبرده اویوشتیریلگن و مینگلب کیشی قتنشگن مظاهره ده پولیس لرنینگ قتّیق بیر شکلده مداخله قیلیشی، موتر و اخلت بیرل لری نینگ اوتگه بیریلیشی، ایش جایلری نینگ اوغیرلنیشی، سیس بمب لری استفاده قیلینیشی کتته معماگه سبب بولگن ایدی.

مظاهره باشلنگندن بیری 3 کیشی حیاتینی یوقه تدی، 222 خوفسیزلیک اعضاسی داخل توپلم 1 مینگ 43 کیشی یره لندی و 1 مینگ 424 کیشی نظارت گه آلیندی.

سریغ وسکتلی لر ناراضی لیک کورستیب مظاهره قیلگن نفت نرخلری نینگ یوقاری کیتیشی 2019 – ییلی اوچون تعویققه تشلنگن لیگی بیان ایتیلگن ایدی.  



علاقه لی ینگی لیکلر