ایرانده مینگلب پروژه توگللنمه گن

اوشبو مطلب نی ایران ایچکی ایشلر وزیری نینگ اورینباسری بیلدیردی

ایرانده مینگلب پروژه توگللنمه گن

ایران ایچکی ایشلر وزیری  نینگ اورینباسری مهدی جمالی نژاد, 80 مینگ دن آرتیق پروژه نینگ توگللنمه گن لیگی نی بیلدیررایکن, تکمیل بولیشی اوچون اوشبو پروژه لرنینگ خصوصی سکتور گه تاپشیریلیشی کیره ک ایکن لیگی نی معلوم قیلدی. 

ایران خبر آژانسی ایسنا, زنجان ولایتیده شهردار لر بیلن صحبت قیلیشی آرتیدن بیرگن بیاناتلریده جمالی نژاد نینگ, "ایرانده 80 مینگدن آرتیق پروژه توگللنمه گن. حکومت اوشبو پروژه لر نی کوزه ته دی" دییه قید ایتگن لیگی نی بیلدیردی. 

پروژه لرنینگ تکمیل بولیشی اوچون کوپ مقدارده سرمایه گذارلیککه احتیاج حس ایتیلیاتگن لیگی نی بیلدیرگن جمالی نژاد, خصوصی سکتور نینگ دولت شرکت لری گه کوره موفق ایکن لیگی نی معلوم قیلدی. 

جمالی نژاد, خصوصی سکتور گه تاپشیریلیشی تقدیرده اوشبو پروژه لر بوییچه موفقیت قولگه کیریتیلیشی نینگ ممکن ایکن لیگی نی ایسله تیب اوتدی. 

ایرانده کتته پروژه لر انقلاب محافظ لری اردوسی سنگری قوراللی کوچلری گه عاید شرکت لر تامانیدن آلیب باریله دی. 

ایران جمهوررئیسی حسن روحانی هم بیر نیچه مراتبه اردو نینگ اقتصادی فعالیت لری نی توخته تیشی نی طلب قیلگن ایدی. 

ایران مدافعه وزیری امیر خاتمی, آگست آییده بیرگن بیاناتلریده, اردو نینگ 130 دن آرتیق شرکتی نینگ یاپیلیب, پروژه لرنینگ خصوصی سکتور گه تاپشیریلگن لیگی نی بیلدیرگن ایدی. 

امریکا قوشمه ایالتلری نینگ, می آیی نینگ 8 نچی کونیده, تهران رهبریتی بیلن 2015 –ییلده امضالنگن هسته ای کیلیشوودن بیر تامانلمه اوله راق چیکیلیشی آرتیدن ایران گه قره تیلگن تحریم لری ایران اقتصادی گه منفی تاثیر قالدیررایکن, خارجی سرمایه نینگ ایران گه کیریب کیلیشی گه مانع بولگن ایدی. 



علاقه لی ینگی لیکلر