قزاقستانده اونلب اوزبیک جان بیردی

اوشبو مطلب نی قزاقستان نینگ آقتوبه ولایتی مسئول لری بیلدیردی

قزاقستانده اونلب اوزبیک جان بیردی

قزاقستان نینگ آقتوبه ولایتی حدودیده یولاوچی بسی ده یانیب کیتگن لرنینگ اوزبیکستان وطنداش لری دن عبارت ایکن لیک لری تصدیقلندی. 

اوشبو مطلب نی آقتوبه ولایتی فوق العاده وضعیت لر بوییچه مسئول لری بیلدیردی.

 خودی منه شوو منبع, "یولاوچی لرنینگ 50 دن آرتیغراغی اوزبیکستان وطنداشلریدن عبارت.  هلاک بولگن لرنینگ برچه سی اوزبیکستان وطنداشلری بولیشگن.  قزاقستان و روسیه وطنداش لری یوق" دییه قید ایتدی. 

خودی منه شوو یولاوچی بسی نینگ اوزبیکستاندن روسیه گه کیتیاتگن لیگی معلوم قیلیندی. 

بوگون ایرته لب, قزاقستان نینگ آقتوبه ولایتیده یولاوچی بسی نینگ یانیب کیتیشی عاقبتیده 52 کیشی نینگ هلاک بولگن لیگی بیلدیریلگن ایدی. 

میلادی 2017 نچی ییلی اکتوبر آیی نینگ 6 نچی کونیده هم روسیه نینگ ولادیمیر ولایتیده ریل نینگ یولاوچی بسی نی اوریب کیتیشی عاقبتیده 17 نفر اوزبیکستان وطنداشی هلاک بولگن ایدی. 



علاقه لی ینگی لیکلر