پاکستان بیلن هندوستان اورته سیده توقنه شوو یوز بیردی

ایککی اولکه اورته سیده گی کیلیشماوسیزلیک دوام ایتیب بارماقده

پاکستان بیلن هندوستان اورته سیده توقنه شوو یوز بیردی

پاکستان بیلن هندستان عسکرلری اورته سیده کنترول نقطه سیده یوز بیرگن توقنه شووده هندوستان لیک ایککی کیشی تینچ اهالی جان بیردی.

هندوستان پولیس اداره سیدن بیریلگن بیاناتگه کوره، ایککی اولکه عسکرلری آره سیده یوز بیرگن جام و جم کشمیر منطقه سیگه باغلیغ بیر قشلاق اهالیسی ایککی کیشی جان بیرگن. عین دمده 10 کیشی ایسه یره لنگن.

چیگره حدودیده تناون کون یوز بیرگن توقنه شووده، هندوستان عسکرلری تامانیدن عملگه آشیریلگن اوق اوزیش نتیجه سیده ایککی کیشی عیال جان بیرگن ایدی.

پاکستان و هندوستان 2003 – ییلی آتش کیس کیلیشوویگه قول قویگن ایدیلر بیراق بو کیلیشوو کوپ مراتبه اخلال قیلینگن.

پاکستان تشقی ایشلر وزیرلیگی بیرگن معلوماتگه کوره، هندوستان میلادی جاری ییل نینگ باشیدن بیری 100 بار آتش کیسنی اخلال قیلگن و هندستان عسکرلری تامانیدن قیلینگن فیرلرده 9 نفر پاکستان تبعه سی جان بیرگن.

بونگه کوره، هندوستان، 2017 – ییلی جریانیده آتش کیسنی 1 مینگ 900 مرته اخلال قیلگن، بو هجوملرده پاکستان لیک 87 کیشی اولگن.

 



علاقه لی ینگی لیکلر