پاکستان تامانیدن ایران خوفسیزلیک کوچلریگه قره ته هجوم اویوشتیریلدی

هجومچیلر بیلن خوفسیزلیک کوچلری اورته سیده توقنه شوو یوز بیرگن لیگی ایککی تاماندن هم تلفات موجود ایکن لیگی قید ایتیلدی.

پاکستان تامانیدن ایران خوفسیزلیک کوچلریگه قره ته هجوم اویوشتیریلدی

ایران نینگ جنوب – شرق تامانیده حدود خوفسیزلیک کوچلریگه قره ته اویوشتیریلگن هجومده 3 نفر خوفسیزلیک اعضاسی بیلن 3 کیشی هجومچی نینگ اولگن لیگی بیلدیریلدی.

ایران انقلاب اسلامی محافظ اردوسی قدس قرارگاهی تامانیدن بیریلگن بیاناتده، ایرته لب تانگ وقتی بیر گروپ کیشی پاکستان تامانیدن کیلیب چیگره حدودیده گی بیر قلعه گه هجوم اویوشتیرگن.

خوددی شو هجوم نینگ آرتیدن یوز بیرگن توقنه شووده اوچ کیشی هجومچی بیلن بیر نفر قدس اردوسی اعضاسی نینگ اولگن لیگی بیلدیریلدی.

باشقه تاماندن، همکارلیک اوچون منطقه گه قره ب حرکت قیلگن انقلاب اسلامی محافظ اردوسی اعضالری نینگ موتری گذرگاهیده یولگه اورنه تیلگن منفجره ماده سی نینگ پارتلب کیشی نتیجه سیده 2 کیشی عسکرنینگ اولگن لیگی قید ایتیلدی.   

مذکور بیاناتده، هجومچیلرنینگ قیسی گروه گه باغلیغ ایکنلیکلری توغریسیده معلومات بیریلمه گن.



علاقه لی ینگی لیکلر