ایران گه قره تیلگن تحریملر و نتیجه لری

اوشبو مطلب محقق جان آجون نینگ تورک تیلیده یازیلگن مقاله سی نینگ اوزبیک تیلیده گی ترجمه سیدن عبارت

ایران گه قره تیلگن تحریملر و نتیجه لری

کون نینگ آجنداسی حقیده بیر تحلیل 45

امریکا قوشمه ایالت لری دولت رهبری دونالد ترامپ نینگ, اوباما نینگ دولت رهبرلیگی دوریده ایران بیلن امضالنگن هسته ای کیلیشوو دن بیر تامانلمه اوله راق چیکیلیشی آرتیدن, واشنگتن رهبریتی, ایران گه قره تیلگن تحریم لرنینگ دستلبکی باسقیچی نی آگست آیی نینگ 7 نچی کونیده تطبیق قیله باشله گن ایدی.  اوشبو تحریم لرنینگ ایککینچی باسقیچی ایسه امریکا رهبریتی تامانیدن بیلدیریلگن 180 کونلیک بیر مدت کیین نوامبر آیی نینگ 5 نچی کونیده تطبیق قیلینه باشله دی.  امریکا قوشمه ایالت لری تامانیدن اعلان قیلینگن اوشبو تحریم لر اینیقسه انرژی, بانکچیلیک, لوژستیک و بیمه شرکت لری نی قمره ماقده. 

امریکا قوشمه ایالتلری تحریم لرنینگ دستلبکی باسقچی بیلن ایران نینگ امریکا دالری آلیشی, آلتین و باشقه قیمت بها معدن لر بیلن فولاد, المونیم  و کومیر کبی ماللر تجارتی, یولاوچی اوچاغی و اونینگ پرزه لری نی وارد قیلیشی گه مانع بولگن ایدی.  تحریم لرنینگ ایککینچی باسقیچیده ایسه, ایران ملی پطرول شرکتی, ایران پطرول تجارت شرکتی و ملی تانکر شرکتی گه قره ته خلق ارا چیکلاو لر بحث موضوعی بولرایکن, شونده ی قیلیب ایران نینگ پطرول ساتیشی چیکلنگن بوله دی.  باشقه بیر تامان دن ایسه ایران نینگ اقتصادی بویوک مقیاسده پطرول تجارتی گه باغلیق.

ترامپ نینگ هسته ای کیلیشوو دن بیر تامانلمه اوله راق چیکیلیشی آرتیدن ایران گه قره تیلگن تحریم لر بوییچه اینگ مهم موضوع لردن بیری جهان بویلب کمپیوتری فوند انتقالی یعنی SWİFT سیستمی دن عبارت بولدی. امریکا نینگ تحریم لری دایره سیده SWİFT مرکزی تامانیدن بیریلگن بیاناتده, " SWİFT ایریم ایران بانک لری نینگ سیستم دن استفاده قیلیشی نی معطل قیلیب قویدی" دییه قید ایتیلدی.  ایران گه قره تیلگن تحریم لر نینگ باشقه بیر هدفی ایسه ایران نینگ مالی موسسه لریدن عبارت. اوشبو دایره ده چیت ایللیک مالی موسسه لرنینگ ایران مرکز بانکی و باشقه ایریم مالی موسسه لری بیلن قیلیاتگن معامله لری چیکلندی.  عینی دمده امریکا قوشمه ایالتلری تامانی اوشبو تحریم لر دایره سیده 700 دن آرتیق ایران لیک و ایران موسسه لری نینگ قاره لست گه کیریتیلگن لیگی نی بیلدیردی. 

ایران گه قره تیلگن اوشبو تحریم لر دن تشقری, امریکا قوشمه ایالتلری دولت رهبرلیگی ملی خوفسیزلیک مشاوری جان بولتون نینگ, "ایران گه قره ته حاضرگی تحریم لردن آرتیغراق تحریم لر تطبیق قیله میز. سابق دولت رهبری باراک اوباما دوریده گی تحریم لر دایره سیده قالمی میز" دییه قید ایتگن لیگی اوته مهم اهمیت گه ایگه. 

سککیز اولکه نینگ امریکا قوشمه ایالتلری نینگ ایران گه قره تیلگن اوشبو تحریم لریدن اوتکینچی اوله راق معاف قیلینگن لیگی بیلدیریلدی.  اوشبو اولکه لر ایسه چین, هندوستان, ایتالیا, یونان, تورکیه, جاپان, جنوبی کوریا و تایوان دن عبارت.  تورکیه جمهوریتی جمهوررئیسی رجب طیب اردوغان ایسه اوشبو خصوصده بیریلگن بیر سئوال گه, " تحریم لر بوییچه همه نرسه انیق ایمس. بیز خوددی شوو تحریم لر گه طرفدار ایمس میز.  بیز برچه تحریم لرنینگ جهان بویلب نظم نینگ بوزیلیب قالیشی گه سبب بوله دیگن لیگی نی اویله ماقده میز.  بولر خلق ارا حقوق و دیپلماسی گه ضد حرکت لردن عبارت.  ایندی جهان بویلب تینچلیک بوییچه بیر پروسه نینگ موجود بولیشی کیره ک.  باشقه چه قیلیب ایتگنده امپریالیست بیر جهانده یشش نی آرزو قیلمیمیز. اوشبو دایره ده انسان لرنینگ تینچ یشیاتگن بیر دنیا طلب قیلماقده میز.  امکانی بولگن هر نرسه قیلسه بوله دی دیگن بیر گپ یوق.  حاضرگی کونده اوروپا بیرلیگی اولکه لری نینگ تقریباً هیچ قیسی سی بولیاتگن اوشبو ایشلرگه طرفدار ایمس.  همه سی اوشبو خصوصده فرقلی فکر لر گه ایگه." دییه جواب قیتردی. 

عینی دمده تورکیه نینگ ایراندن انرژی وارد قیلیاتگن لیگی گه هم دقت قره تگن جمهوررئیسی اردوغان, اوز سوز لری نی, "تحریم لر خصوصیده هردایم انیق بیر سیاستی میز بولیب کیلگن.  اینیقسه پطرول گه قره تیلگن تحریم لر باره سیده قوییده گیچه فکرگه ایگه ایکن لیگی میز انیق.  بولر نینگ الترناتیفی یوق.  شوباعث بونده ی تحریم لر نی هیچ قچان تطبیق قیلمیمیز.  بیز حاضرگی کونده بو ییردن 10 میلیارد متر مکعب گاز آله میز.  اوشبو گازنی آلمی, تورک خلقی قیشده موزلب قالسین می؟ بیزنینگ بونده ی بیر تحریم نی تطبیق قیلیشی میز هیچ قچان ممکن ایمس" شکلیده دوام ایتتیردی. 

روسیه تشقی ایش لر وزیری سرگی لاوروف هم امریکا قوشمه ایالتلری نینگ ایران گه قره تیلگن اوشبو تحریم لری نینگ ناقانونی ایکن لیگی و بیرلشگن ملت لر تشکیلاتی خوفسیزلیک کینگشی قرار لری گه انیق روشده ضد ایکن لیگی نی معلوم قیلدی.  عینی دمده فرانسه, چین و آلمان هم امریکا نینگ اوشبو تحریم لری گه اعتراض قیلدی.  بیراق, امریکا قوشمه ایالتلری اوز کوچیدن فایده له نیب اعتراض قیلگن اولکه لرنینگ کتته شرکت لری نینگ اوشبو تحریم لرنی تطبیق قیلیشی کیره ک ایکن لیگی نی بیلدیردی.       



علاقه لی ینگی لیکلر