گالاته سرای اروپا کپ فاینل مسابقه سیده ایتالیانینگ رایر جماعه سی بیلن اوچره شه دی

پروسه نینگ بیرینچی مسابقه سیده گالاته سرای گروهی اوز رقیبی گه قرشی 22 فرق بیلن غلبه قازانگن ایدی.

گالاته سرای اروپا کپ فاینل مسابقه سیده ایتالیانینگ رایر جماعه سی بیلن اوچره شه دی

تورکیه نینگ گالاته سرای جماعه سی خاتین – قیزلر باسکیتبال گروهی، فیبا اروپا کپ فاینل بیلشووی ایککینچی مسابقه سیده ایرته گه ایتالیانینگ رایر گروهی بیلن اوچره شه دی.

ویندیک ده گی مسابقه تورکیه وقتی بیلن ساعت 21:00 ده باشلنه دی.

گالاته سرای باسکیتبال گروهی بیرینچی مسابقه سینی 90-68 لیک نتیجه بیلن اوز رقیبی گه قرشی غلبه قازانگن ایدی. گالاته سرای ایتالیاده گی مسابقه ده غالب کیلگن ویا 22 دن کمراق فرق بیلن اوتولگن تقدیرده قهرمان بولیب کپ نی قولگه کیریته دی.

گالاته سرای جماعه سی خاتین – قیز باسکیتبال گروهی 2008-2009 فیبا اروپا کپ و 2013 – 2014 فیبا اروپا قهرمانلر لیگی کپ لرینی قولگه کیریتب قهرمان بولگن ایدی.  



علاقه لی ینگی لیکلر