تروریزم، دولت و حقوق

تحلیل و تیکشیروو

تروریزم، دولت و حقوق

تروریزم، دولت و حقوق

دولت توشونچه‌سی افلاطوندن بوگونگچه خلاصه‌ قیلیب ایتگنده  شونده‌ی تعریف قیلینگن:

« توپراق  بیرلیگیگه  باغلیغ روشده سیاسي جهتدن تشکیل تاپگن ملت یاکه ملتلر جمعیتنی تشکیل ایتگن تیزیم گه دولت دییله‌دی. سیاسي جهتدن تشکیلاتلنیش، معلوم اساسلر و قاعده‌ دایره‌سیده بوله‌دی. اوشبو اساسلر، وقتی بیلن قانون و حقوق نامی آستیده ییغیله‌دی.

غرب عالمی، قانونلر نینگ  حقوققه ایلنیش مسأله‌سی میلادی  1215  ییلیده امضاله‌گن Magna Carta بیتیمی بیلن باشله‌گن.

     مسلمان جمعیتلر ایسه مدینه بیتیمی یاکه باشقه‌ بیر افاده‌ بیلن مدینه وثیقه ‌سیگه ته‌یه ‌ندی.

اسلام پیغمبری مکه‌لیکلر نینگ ظلمیگه  چیده آلمه‌ی اوزیگه اِیمان کیلتیرگنلر بیلن بیرگه‌لیکده مدینه‌گه  قیلگن هجرتیدن سونگره‌ خودی اوزلری  تامانیدن 623 ده اویوشتیریلگن.

بیتیم، حضرت محمد و مسلمانلر، یهوديلر و مشریکلرنی  اوز ایچیگه آلگن  او کونگچه  اوتکزیلگن اینگ کینگ کولملی انسان حقلری وثیقه‌سی حسابلنه‌دی.

عموماً ایکّی قبیله‌ اورته ‌سیده‌گی توقنه ‌شوولرنی یکونلشنی مقصد قیلیب آلگن مادّه‌لر قمره‌شیگه قره‌مسدن، اساسي فکر ایسه   بشریت  شخص و جمعیت صفتیده حق و ایرکینلیکلر  کفالت آستیگه آلینگن. علیحده‌ ترقاق حالده‌گی قبیله‌لر  امت ( دولت) نامیده بیر‌گینه جمعیت صفتیده  ییغیش  برچه‌سی نینگ بیر- بیریگه علیحده‌ مسوولیتلر بولیش  جهتیدن بشریت میراثی نینگ ایلک اینگ کولملی  ایرکینلیک بیلدیریشی دیر.

مدینه بیتیمی، امت (دولت) شعورینی، اجتماعي بیردملیک، سیاسي بیرلیک، مشترک مدافعه‌ و کانفیرا‌تیف بیر توزیلیشنی توصیه‌ قیلیش جهتیدن هم علیحده‌ دقّت گه سزاوار بیر تاریخي سیاسي حقوق متنیدیر.

در حقیقت، شرق و غرب جمعیتی نینگ  حیات کوره‌شی، حاکمیتلری، دیکتاتورلیکلر و ظالم اداره‌لرگه قره‌مسدن بوتونله‌ی عادل، بیر دنیا آرمانی اوروشیدیر. دولت قدرتی نینگ رواجلنیشی، ملت شعوری نینگ کینگ ترقه‌لیشی بیلن بیرگه‌لیکده عدالت توشونچه‌سی گلوبا‌ل  قدریت حالیگه ایلنه‌دی.

« خلق ‌ارا حقوق» تشکیلاتی نینگ توزیلیشینی  تأمین ایتدی. هر دورده دییرلی برچه‌ دولتلر، باغلیغ  بولگن خلق‌ ارا حقوق  اساسلریگه رعایت قیلیش اوچون وعده‌ بیرگنلر.

بیرینچی و ایکّینچی جهان اوروشی نینگ ویرانکارلیگی، انسانلرنی گلوبال تشکیلات و ینگی بیر حقوق نظام  نامه سی  اطرافیده  ییغیلیشنی مجبوري قیله‌ دی.

بشریت، خلق ‌ارا  حقوق و حقوقنی حمایه‌ قیله‌دیگن تشکیلات نینگ  یوقلیگی طفیلی هر ایکّی اوروشده هم میلیونلب اولیک و یوز میلیونلرنی  آشگن جراحت یوز بیرگن ایدی. و بو مجبوريت 1945- ییلی 25- اکتوبرده امریکا قوشمه ایالتلری نینگ سن-فرانسیسکو شهریده   بیرلشگن ملتلر تشکیلاتی نامیده بیر تشکیلات نینگ توزیلیشیگه سبب بولدی. دنیا تینچلیگینی، خوفسیزلیگینی حمایه‌ قیلیش و خلق ‌ارا اقتصادي، اجتماعي و مدني بیر همکارلیک تشکیل ایتیش اوچون تشکیل قیلینگن اوشبو تشکیلاتگه، ایکّی اوروشگه  سبب بولگن ویرانکارلیککه دییرلی بوتون اولکه‌لر اشتراک ایتگن ایدی.

بیرلشگن ملتلر تشکیلاتی، اینیقسه‌ ساووق اوروش دوریده، انسانیتگه جدّي  و مهم‌ حصه‌لر قوشدی. فقط 1960لردن بیری نه‌ شخصلر،  نه‌ دولتلر حتا و حتا  خلق ‌ارا حقوقنی حمایه‌ قیلمس حالگه کیلدی.

بیرینچی ا‌ورینده یلتا بیتیمی و دوامی بیلن  بیرگه‌لیکده، 2- جهان اوروشیدن سونگره‌ تشکیل تاپگن تشکیلاتلر بوگون انسانلرگه  حصه‌ قوشیشدن کوپراق یوک بولماقده. اینیقسه‌ کوچلی دولتلر، اوشبو تشکیلاتلر  واسطه‌سی بیلن  کوچسیز یاکه کیچیک دولتلرگه قرشی بیر کلتک واسیله‌سی  صفتیده فایده‌لنماقده‌لر.

مثال اوچون، امریکا قوشمه ایالتلری، عراقده اتوم قورال بار دییه بو اولکه‌نی اشغال ایتدی.

بیر میلیوندن آرتیق انسان نینگ  اولیمیگه باعث بولدی، اون میلیوندن زیاد انسان نینگ  قاچقین حالتیگه توشیشیگه سبب بولدی. نتیجه‌ده عراقده اتوم قورالی موجود بولمه‌گنینی اوزلری  اعتراف ایتدی. فقط، بوگونگی  کونده‌ بو نینگ بیلن علاقه‌لی خلق‌ارا تشکیلات امریکا قوشمه ایالتلرینی سود قیلیشگه جسارت قیله آلمه‌یدی.

سونگی  چهاریک عصرده امریکا قوشمه ایالتلری دولت رهبرلری نینگ برچه‌سی افغانستان، فلسطین، سوريه کبی اولکه‌لرده میلیونلب  آدم نینگ اولیمیگه سبب بولگن اوروشلرنی باشله‌تدیلر. فقط هیچ بیر امریکا قوشمه ایالتلریلیک دولت باشلیغی خلق‌ارا عدالت دیوانیده سوریشتیریب  سودگه  قیلینمه‌ دی.  عینِ شکلده اسرائیل دولتی  1960لردن بیری بیرلشگن ملتلر تشکیلاتی نینگ هیچ بیر قرارینی تن آلمه‌دی.

تشکیل ایتیلگن  کوندن بیری قوشنیلری نینگ توپراقلرینی دواملی  اوروش یولی بیلن  اشغال ایتگن اسرائیل، ففلسطین نینگ هنوز هم  سونگگی بیر قریچ توپراغینی اشغال ایتماقده.

حال‌بوکه، خلق ‌ارا حقوقده برچه‌  توقنه‌شوولر بیلن علاقه‌لی اساساً قاعده‌ قانون  انیقدیر.

قانونلر روشندیر  و خلق ‌ارا حقوقده ایسه بیر پرینسیپ باردیر. اوروش یولی بیلن توپراق آلینمس. فقط، اسرائیل تشکیل تاپگن کوندن بیری اوروش  یولی بیلن توپراق اشغال ایتماقده. مثال اوچون گولان تیپه‌لری 1967ده قورال  زورآورلیک بیلن اشغال ایتدی. خلق ‌ارا حقوققه کوره‌ بو توپراقلر درحال قَیتریب بیریلیشی کیره‌ک. افسوسکی  جوده‌ کوپ غربلیک اولکه‌دن آلگن  ناقانوني و اینیقسه‌ امریکا قوشمه ایالتلری نینگ آچیق حمایه‌سی طفیلی 50 ییلدیر اشغال ایتگن توراقلرنی ترک ایتمه ‌دی و  حقوق یولی بیلن هم چیقیش نیتی یوق.

اسرائیل بیلن  توقنه ‌شوو حالیده بولگن و توپراقلرینی اشغال ایتگن فلسطین  بیلن هم خلق ‌ارا حقوق اساسلری دایره‌سیده مذاکره‌ قیلیش لازم.

حال‌بوکه، اسرائیل مذاکره‌گه اوتیریش اورنیگه فلسطین دولتینی انکار ایتماقده. و بو انکارلرینی بیرلشگن ملتلر تشکیلاتی کرسیسیده، خلق ‌ارا صحنه‌لرده تیلگه آلماقده‌لر . لیکن، اسرائیل، تورکيه جمهوریتی دولتی جمهور رئیسی جناب ایردوغا‌ن نینگ تعریفی بیلن « دولت ترورینی رسمي سیاست حالیگه کیلتیریشدن  هیچ قچان واز کیچمه ‌یدی.

بوگونگی کونده‌  امریکا قوشمه‌ ایالتلری و کوچ مرکزلری، اوزلری تشکیل ایتگن خلق ‌ارا حقوق ترتیبینی اوزلری ویران قیلماقده‌لر.

ینه‌ قورقینچلی تامانی ایسه شو: دنیانی بحران تامان آلیب باریشده ینه‌ کوپراق منفعتی بولگن کوچ مرکزلری بو جهتده سیاست ایشلب چیقرگن سری، ظلم، قراقچی دولت سیاستینی شعار قیلیب آلگن امریکا قوشمه ایالتلری و اسرائیل کبی دولتلر هم « عدالت» و  « گلوبال حقوق» دییه هَیقیرگنلریده،  قورقه‌ من کی  اولرنینگ آوازینی ایشیتیب حرکت قیله‌دیگن کوچده بیر  تیزیم قالمه یدی



علاقه لی ینگی لیکلر