ایردوغانگه دنیانینگ تورلی منطقه لریدن قوتلاو پیاملری ییتیب کیلماقده

دولت رهبری و عالملردن پیاملر ییتیب کیلدی

ایردوغانگه دنیانینگ تورلی منطقه لریدن قوتلاو پیاملری ییتیب کیلماقده

ینگی حکومت تیزیمی نینگ ایلک جمهور باشلیغی سیلنگن رجب طیب ایردوغان گه دنیا مقیاسیده قوتلاو پیاملری ییتیب کیلماقده.

ایران جمهور باشلیغی حسن روحانی، جمهور باشلیغی رجب طیب ایردوغاننی سیلاوده قولگه کیریتگن موفقیتی باعث تبریک ایتدی.

ایران جمهور رئیس لیک انترنیت سایتیدن نشر قیلینگن یازمه پیامیده، "جمهور رئیس لیک سیلاویده قولگه کیریتگن ظفرینگیز و یراتگن ایشانچ مناسبتی بیلن سیز عالی جنابنی، سوینچ و خرسندلیک بیلن تبریک ایته من" دیب ایتیلگن.

ونزوئلا دولت باشلیغی نیکولاس مودورو هم، جمهور باشلیغی ایردوغاننی تیلفون و انترنیت آدرسی آرقه لی قوتله دی.

" ونزوئلانینگ اورتاغی و قرینداشی رجب طیب ایردوغاننی تورکیه جمهوریتیده گی سیلاولرده قولگه کیریتگن معظم ظفر باعث تبریک ایته من" دیب ایتگن.

عین دمده کوزوا هرزگوین جمهور باشلیغی هاشم تهاچی، بحرین قرالی حمد بن عیسی آل خلیفه بیلن ولیعهد شهزاده سلمان بن حمد آل خلیفه، بلاروس جمهور باشلیغی لوفاشنکوف، سومالیا جمهور باشلیغی محمد عبدالله فرماجو، بلغارستان باش وزیری بویکو بوریسوف، اوکراین دولت رهبری پیترو پروشینکو تبریک ایتدیلر.

جهان مسلمان عالملر بیرلیگی عمومی مکنشیسی علی قاره داغ و خوددی شو بیرلیک نینگ باشلیغی یوسف القاره داوی هم تویتر آدرسلری آرقه لی جمهور باشلیغی ایردوغاننی قوتله دیلر.

سوریه ده گی اخوان مسلمین نینگ باشلیغی محمد ولید حکمت، سوریه مخالف و انقلابی کوچلر ملی ائتلاف باشلیغی عبدالرحمان مصطفی، قطر امیری نینگ سینگلیسی و امیرنینگ اوکه سی تویتر آدرسلریدن تبریک ایتدیلر.

تونس کابال حرکت حزبی، موریتانیالیک سیاستچی، ژورنالیست و آیدینلر، سنگال نینگ تنیقلی عالملریدن شیخ عبدالله عثمان با هم ایردوغاننی سیلاو موفقیتی باعث تبریک ایتدیلر.   



علاقه لی ینگی لیکلر