تورکیه ده جایلشگن تاریخی جمعه علی قیزیق قشلاغی

تورکیه ده جایلشگن تاریخی جمعه علی قیزیق قشلاغی

تورکیه ده جایلشگن تاریخی جمعه علی قیزیق قشلاغی

تورکیه نینگ مرمره منطقه سیده اورین آلگن و تاریخی شکلی هیچ اوزگرمه گن بیر قشلاق دن عبارت جمعه علی قیزیق قشلاغی... حاضرگی کونده اوشبو تاریخی قشلاق, "عثمانی امپراطورلیگی دوریده انادولو جغرافیه سیده قنده ی بیر قشلاق حیاتی بار ایدی؟" دیگن سئوال گه جواب قیدیریاتگن سیاح لر نی کوتیب آلماقده.

جمعه علی قیزیق قشلاغی بیلن اوشبو قشلاق نینگ اورین آلگن ولایت بولگن تورکیه نینگ بورسا ولایتی 2014 – ییلده یونسکو دنیا میراثی لستی گه کیریتیلدی. اوشبو جغرافیه عثمانی امپراطورلیگی نینگ قوریلیشی نینگ شاهدی ایکن لیگی سببلی اوزی گه خاص بیر اهمیت گه ایگه....

عثمانی امپراطورلیگی نینگ قوریلیشی نینگ شاهدی بولگن بورسا و جمعه علی قیزیق 6 مهم تاریخی اثرگه ایگه. اوشبو تاریخی اثر لر, اورهان غازی مجتمع سی و تیگره گیده گی ساحه لر نی قمره گن سرای لر منطقه سی, خداوندگار مجتمع سی, ییلدیریم مجتمع سی, یاشیل مجتمع, مرادیه مجتمع سی و جمعه علی قیزیق قشلاغی دن عبارت...

عثمانی امپراطورلیگی نینگ بیرینچی پایتختی بولگن بورسا, 14 – عصر دن باشلب اجتماعی, فرهنگی و اقتصادی جهت دن رواجله نه باشله گن.  عثمانی امپراطورلیگی دوریده اوشبو شهرده اونلب مسجد, مدرسه, سرای, حمام و کسلخانه قوریلگن.  کیین چه لیک عثمانی تورک امپراطورلیگی توپراق لریده قوریلگن شهرلرده هم بورسا دن الهام آلینگن. 

عثمانی امپراطورلیگی نینگ تقریباً 700 ییللیک حاکمیتی دوریده قوریلگن اوشبو جغرافیه ده گی تاریخی اثر لر سیاح لرنی کوتماقده. 

تورکیه نینگ بورسا ولایتی نینگ مرکزی دن 13 کیلومترلیک مسافه ده اورین آلگن جمعه علی قیزیق قشلاغی, حاضرگی کونده هم اوز عرف – عادت لری و تاریخی ساختاری نی اسره ب قالگن وضعیتده. عثمانی دولتی نینگ دستلبکی ییل لریده قوریلگن اوی لر, یامغیر سووی نینگ آقیب کیتیشی اوچون اورته سی قازیلگن بیر وضعیتگه کیتیریلگن تاش لر جایلشتیریلگن کوچه لری و یادگارلیک ساختمان لری بیلن تقریباً بیر موزیم گه ایله نیب قالگن جمعه علی قیزیق قشلاغی...تاریخی اوی لری, اوزی گه خاص رنگ ایگه سی دیوار لری  و کوچه ده گی نل لری بیلن سیاح لر نی کوتماقده اوشبو قشلاق...

جمعه علی قیزیق نینگ هر ییل مینگلب سیاح نی کوتیب آلیاتگن لیگی گه قره می, حاضرگی کونده هم اوشبو قشلاقده ایکینچیلیک دوام ایتماقده.  قشلاق یشاوچیسی دهقان لر بازار لرده اوز محصولاتی نی ساتماقده...

اوشبو تاریخی قشلاق نی کوریش اوچون تورکیه نینگ بورسا ولایتیگه کیله دیگن سیاح لرنینگ محتشم طبیعی بایلیککه ایگه اولوغ داغ و شفا چشمه لری نی باریب کوریش لری, بورسا گه مخصوص ایپک آلیش لری و خوددی شوو جغرافیه نینگ طعام لری دن یییش لری نی توصیه ایتیب قاله میز. 



علاقه لی ینگی لیکلر