تورک تاریخی گه قیلینگن نزاکتسیزلیک

اوشبو نزاکتسیزلیککه قتتیق عکس العمل کورسه تیلدی

تورک تاریخی گه قیلینگن نزاکتسیزلیک

بیرلشگن عرب امیرلیک لری تشقی ایشلر وزیری عبدالله بن زائد قیسقه بیر مدت آلدین تویتر آرقه لی نزاکت قاعده لری گه ماس بولمه گن بیر پیام نی ترقتدی.  اوشبو پیامده مدینه شهری نی اشغالچی انگلیس لر گه قرشی مدافعه ایتگن فخرالدین پاشا بیلن علاقه لی کتته بیر افترا یازیلگن ایدی. خودی منه شوو حادثه آرتیدن منطقه ده فخرالدین پاشا و اوشه دور حقیده بحث ایتیله باشلَندی.  بیز هم اوشبو مقاله ده فخرالدین پاشا و اونینگ دوری نینگ حاضرگی کونده گی انعکاس لری توغری سیده بحث ایته میز عزیز دوست لر.  
اوتیش...
قیسقه بیر مدت آلدین بیرلشگن عرب امیرلیک لری تشقی ایش لر وزیری عبدالله بن زائد تویتر آرقه لی دیپلماتیک نزاکت و اخلاققه اویغون بولمه گن بیر پیام ترقتدی.  اوشبو پیامده, (بیرینچی دنیا اوروشی نینگ سونگگی کون لریده وهابی لر و انگلیس لر تامانیدن محاصره ایتیلگن و تهدید ایتیلیاتگن) مدینه ده گی مقدس امانت لرنی نجات بیریب استانبول گه کیلتیرگن فخرالدین پاشا اوغیرلیق قیلیش بیلن عیبلنماقده ایدی.  ایندی کیلینگ آلدین عبدالله بن زائد نینگ کیم ایکن لیگی توغری سیده بحث ایتیلیک.  آلدینگی مقاله لری میزده هم بحث ایتگن لیگی میز دیک, اورته شرقده گی کوپلب معما نینگ اساسی سببچی سی بو کیشی و اونینگ متفق لریدن عبارت.  عینی دمده اوشبو کیشی ابوظبی نینگ ولیعهدی و بیرلشگن عرب امیرلیک لرینی یاشیرینچ روشده باشقریاتگن لیگی ادعا ایتیلیاتگن محمد بن زائد نینگ ایناغه سی.  
عبدالله بن زائد نینگ اوشبو حرکتی گه قرشی فقط گینه تُرک لر ایمس, بلکه عرب لر هم عکس العمل کورستدی.  یقین تاریخ حقیده معلومات ایگه سی بولگن احساسلی عرب لر, "فخرالدین پاشا مقدس امکانت لر نی استانبول گه انتقال ایتتیرمَگنده, حاضرگی کونده اوشبو اثر لرنینگ همه سی مسلمان بولمه گن کیشی لرنینگ قولیده بولر ایدی" دییه قید ایتدی.  
عثمانلی امپراطورلیگی میلادی 1517 نچی ییلیدن باشلب حجاز منطقه سی گه خدمت قیلیب کیلدی.  تُرک سلطان لری میلادی 1517 نچی ییلیدن کیین مکه و مدینه ده گی مقدس جای لر گه خدمت قیلیش اوچون جدی بیر شکلده سعی و حرکت قیلدی.  بیرینچی دنیا اوروشی نینگ باشله شی آرتیدن عثمانلی دولتی نینگ مدافعه قیلگن اینگ مهم جای لردن بیری هم حجاز منطقه سیدن عبارت ایدی.  مکه شریفی حسین نینگ عصیان اوچون تیارگرلیک اوتکزه باشله گن لیگی سببلی, فخرالدین پاشا میلادی 1916 نچی ییلیده حجاز قوماندانی اوله راق مدینه گه یوباریلدی.  انگلیس لر تامانیدن حمایه له نیایتگن عصیانچی لر نی مغلوبیت گه اوچره تگن فخرالدین پاشا, مدینه ده گی مقدس امانت لر نینگ (عصیانچی لر و انگلیس لرنینگ قولی گه توشمس لیگی اوچون) استانبول گه انتقال ایتتیریلیشی اوچون تیارگرلیک اوتکزدی.  عثمانلی امپراطورلیگی میلادی 1917 نچی ییلی مارچ آیی نینگ 2 نچی کونیده اوشبو مقدس امانت لرنینگ استانبول گه انتقال ایتتیریشی اوچون فخرالدین پاشا گه بویروق بیردی.  
فخرالدین پاشا, مدینه ده خلق نینگ آره سیده یشه گن لیگی اوچون منطقه ده عرب لرنینگ حمایه سی نی کسب ایتدی. والی غالب پاشا نینگ اشتباه لری سببلی باشلب کیتگن عصیان لر آرتیدن مکه شهری ایسه عصیانچی لرنینگ قولی گه توشدی.  قیسقه بیر مدت مابینیده عصیانچی لر مدینه دن تشقری باشقه شهر لر نی اشغال ایتدی.  فخرالدین پاشا ایسه قولیده آزگینه بیر امکانیت نینگ موجود ایکن لیگی گه قره مسدن شهر نی مدافعه ایتیش گه دوام ایتتیردی.  میلادی 1918 نچی ییلی اکتوبر آیی نینگ 30 نچی کونیده تُرک امپراطورلیگی موندروس معاهده سی نی امضاله دی.  آتش بس دایره سیده مدینه نینگ تسلیم ایتیلیشی طلب ایتیلدی.  بیراق, فخرالدین پاشا مدینه نی تاپشیریش نی قبول قیلمه دی.  فخرالدین پاشا موندروس معاهده سی نینگ امضاله نیشدن کیین هم 72 کون لیک بیر مدت بیلن مدینه نی قهرمانانه بیر شکلده مدافعه ایتدی.  
بیرلشگن عرب امیرلیک تشقی ایش لر وزیری عبدالله بن زائد نینگ فخرالدین پاشا نی اوغیرلیق قیلیش بیلن عیبله شی آرتیدن ترکیه جمهوریتی جمهوررئیسی رجب طیب اردوغان اوشبو خصوصده بیر معروضه قیلدی.  اردوغان اوشبو صحبتی جریانیده, "ای بیز گه افترا قیلیاتگن بیچاره کیشی, فخرالدین پاشا مدینه دن دفاع قیلیاتگن پیتده سینینگ اجدادینگ قییرده ایدی؟" شکلیده سئوال بیردی.  جمهوررئیسی اردوغان نینگ اوشبو سئوالی گه ایسه عثمانلی امپراطورلیگی آرشیف لریدن جواب تاپیلدی.  آرشیف لردن تاپیلگن سند لر, عبدالله بن زائد نینگ میلادی 19 نچی عصرده یشه گن کتته بابه سی ابوظبی قبیله سی نینگ باشلیغی زائد نینگ اوزلوکسیز روشده قطر گه حمله ایتگن لیگی, اوغیرلیق قیلگن لیگی و انسان لرنی قیرغین قیلگن لیگی بیلدیریلماقده. عینی دمده زائد نینگ اوشبو ایش لر نی انگلیس لرنینگ حمایه سی بیلن قیلگن لیگی معلوم قیلینماقده.  
اوتگن کونلرده ترک تاریخ محققی مراد بارداکچی عبدالله بن زائد نینگ اجدادی نینگ انگلیس لرنینگ حمایه سی بیلن قیلگن اوغیرلیق و جنایت لری توغری سیده گی تاریخی حجت لرنینگ آزگینه بیر قسمی حقیده معلومات بیردی خلاص.  دیمک که, عثمانلی امپراطورلیگی آرشیف لریده ابوظبی قبیله سی نینگ باشلیغی زائد نینگ جنایت لری بیلن علاقه لی ینه کوپلب تاریخی حجت لر موجود.  
اصلی گه قره گنده اسلام عالمیده سونگگی پیتلرده فخرالدین پاشا حقیده بحث ایتیلمه گن لیگی کورینماقده.  فخرالدین پاشا نینگ ایسله نیشی گه بویوک مقیاسده ترکیه جمهوریتی جمهوررئیسی رجب طیب اردوغان سبب بولدی.  اردوغان, میلادی 2008 نچی ییلیدن بیری کوپلب صحبت لریده فخرالدین پاشا حقیده بحث ایتیب کیلماقده.  حرب اکادمیسیده منصبدار لر گه بیرگن درس لریده اردوغان, فخرالدین پاشا نی منصبدار لر گه الگو قیلیب کورسه تیب کیلدی.  شوباعث, اورته شرقده گی ایریم نشراتی اورگان لر نینگ اردوغان توغری سیده بحث ایترایکن, "فخرالدین پاشا نینگ نبیره سی" دییه قید ایتگن لیگی کورینماقده. دیمک بعضی عرب لر, جمهوررئیسی اردوغان نینگ وجودی ده فخرالدین پاشاه خصوصیتی نینگ موجود ایکن لیگی نی حس ایتماقده.  
بیرلشگن عرب امیرلیک لری تشقی ایش لر وزیری نینگ اوشبو نزاکت سیز حرکتی تُرک خلقی نینگ تینچی نی قاچیردی.  مین ترک خلقی نینگ عصبانی بولمس لیگی کیره ک ایکن لیگی نی اویله ماقده من.  عثمانلی امپراطورلیگی گه خیانت قیلگن کیشی لرنینگ نبیره لری, تُرک دولت چیلیک سیستمی نینگ "آته سیدن اولادی گه" قنده ی قیلیب اوتگن لیگی نی جوده یخشی بیله دی و بوندن قورقه دی.  اوشبو جغرافیه ده تشقی محراق لر تامانیدن استفاده ایتیلیاتگن کیشی لرنینگ فخرالدین پاشا و رجب طیب اردوغان دن قورقیش لری نینگ بوش بیر گپ دن عبارت بولمس لیگی ممکن.  اوشبو قورقیش نینگ اسلام عالمی نینگ قیته باشدن کوچ ایگه سی بولیشی و مرفه بیر وضعیتگه کیلیشی گه اشارت بولیشی احتمالی موجود

 



علاقه لی ینگی لیکلر