د ترکیې د ورځپاڼو سرټکي

د ترکیې د ورځپاڼو سرټکي

د ترکیې د ورځپاڼو سرټکي

 

د صباح ورځپاڼې « د عدالت اصلي مرکز ترکیه  دی  »  د سرلیک لاندې لیکلي دي، د ترکیې ولسمشر رجب طیب اردوغان په امریکا  متحده ایالتونو  د فتح الله ګولن ترهګریز سازمان او موازي جوړښت  د مشر فتح الله ګولن ترکیې نه د نه اعاده کولو له امله  ډیرې سختې نیوکې وکړې.

ولسمشر اردوغان وویل چې  امریکا د سیاسي  پریکړو سره  غواړي چې ترکیې ته میدان وډبوي. د همدې امله  زه  د هغوې هیڅ پریکړې ته درناوی نه لرم. پدې پوره باور لرم چې د هغوې پریکړې  سیاسي او د خپلو ګټو لپاره دي. ځکه چې  په هغوې کې عدالت  په نامه  څه شتون نلري. د عدالت مرکز  ترکیه  دی.

د سټار ورځپاڼې « لومړی وزیر ییلدرم : د استیناف محکمو شمیره به ۱۵ ته لوړه کړو»  د سرلیک لانډې لیکلي دي، د ترکیې لومړي وزیر بنعلي ییلدرم وویل چې  په ترکیه کې  به  د استیناف محکمو شمیره چې دم ګړۍ  ۹ ده  ۱۵ ته لوړه کړي. لومړي وزیر دا څرګندونې  د عدالت شورا ته په وینا کې وکړې. هغه زیاته کړه چې په هیواد کې د قضايي ارګانونو د لا پياوړتیا  او پر دوې د خلکو د باور د کچې د لا لوړولو  او د محاکمو د بهیر د ګړندي کولو په خاطر به ځینې  نوي  ګامونه اوچت شي او پدې اړه به  قانون  مسوده  هر څه ژر ولسي جرګې ته وړاندې کړي.

د ینې شفق ورځپاڼې  « چاوش اوغلو: په کومو غونډو کې چې ترهګر وي هلته ترکیه ګډون نکوي  »  د سرلیک لاندې لیکلي دي، د ترکیې د بهرنیو چارو وزیر مولود چاوش اوغلو وویل چې ایران او روسیه  باید په سوریه کې د ضمانت کوونکو هیوادونو په توګه خپل  مسئولیت ادا کړي. هغه وویل چې د سوچي غونډې ته باید ترهګرو ته د ګډون بلنه ورنکړل شي. ټول باید پدې ښه پوه شي په کومه غونډه کې چې  د پ ک ک ترهګرې ډلې څانګې  شتون ولري هلته ترکیه ګډون نکوي. که چیرې د سوچي  په غونډه کې ترهګرو ګډون وکړي هر څه به  له منځه یوسي.

د خبرترک ورځپاڼې  « په لارو او سړکانو کې حیواناتو ځورونکو ته ۴ نیم کاله بند » د سرلیک لاندې لیکلي دي، د ترکیې د عدلیې وزارت  په هیواد کې پدې وروستیو کې د کوڅه ډبو او اهلي حیواناتو  د ځورونې  د پیښې د ډیریدو له امله  ددې خبرې د مخنیوي په خاطر  د قانون په یوې طرحې کار کوي. د نوموړې طرحې له مخې  ددینه وروسته په هیواد کې خاونداره او بې خاونده  یعنې کوڅه ډبو  حیواناتو  ځورونکو ته به ۴ نیم کاله  او هغه  حیوانات  چې  نسل يي  د ورکیدو د ګواښ سره مخامخ وي  وژونکو ته  ۷ کاله  د بند سزا ورکړل شي.

د حریت ورځپاڼې  « په ترکیه کې په پوهنتون کې د یونسکو سازمان کورس  جوړیږي»  د سرلیک لاندې لیکلي دي، د استانبول  د بیلګه پوهنتون  د کولتورسیاست د ملګروملتونو سازمان  د پوهنې علم او کولتور د څانګې  یونسکو  کورس  جوړوي.

د یونسکو سازمان  د لوړو زده کړو ادارې  د ارزونو  او پریکړې نه وروسته  په بیلګه پوهنتون کې  د یونسکو سازمان د کورس  د جوړیدو پریکړه وشوه.

دا پوهنتون به د یونسکو سازمان سره په مرسته نوو همکاریو او ګډو کولتوري پروژو جوړولو ته  زمینه برابره شي.

همداشان دا کورس به  د ترکي اکادمیسینانو او زده کوونکو لپاره هم  د څیړونو هر ډول اسانتیاوې برابرې کړي. سربیره  پر دې  د کولتوري ډیپلوماسۍ په برخه کې به ځیني مهم ګامونه  اوچت شي.



اړوند خبرونه