په کرم ایجنسي کې په پاکستاني پوځیانو خونړي بریدونه وشول

د پاکستان د کرم ایجنسۍ په سیمه کې د پوځیانو په موټر غبرګ بریدونه وشول

په کرم ایجنسي کې په پاکستاني پوځیانو خونړي بریدونه وشول

د پاکستان  د خیبرپښتونخوا ایالت  د کرم ایجنسۍ  په سیمه کې د افغانستان سره په پوله کې  په پوځیانو پرله پسې بمي  بریدونه وشول.

د پاکستان  د پوځ د اطلاعاتو د مرکز  د معلوماتو له مخې  د افغانستان سره په پوله کې  د کرم ایجنسۍ  د خرلاچي  د امنیتي پوستې ترڅنګ  د پوځیانو په ګاډي  چاودنه وشوه چې له امله يي  د یو تن  افسر په ګډون  ۴ تنه پوځیان مړه او ۳ تنه نور ټپیان شول.

همداشان کله چې  پاکستاني پوله ساتو  د ټپي پوځیانو د مرستې په خاطر  رادودنګل  دویمه  چاودنه وشوه.

پاکستاني پوله ساتو  د پرله پسې چاودنو نه وروسته  د خرلاچي په سیمه کې  د افغانستان پر مخ  سرحدي  دروازه  وتړله.

پاکستاني پوځیانو  د برید کوونکو د نیولو په خاطر په سیمه کې پراخه  پلټنې پیل کړې.

د پاکستان  د پوځ د اطلاعاتو د مرکز  لخوا په خپره شوې خبرپاڼه کې ویل شوي دي چې  نوموړو  پوځیانو  په پاکستان کې د طالبانو د منګولو نه  د ژغورلې کاناډايي  کورنۍ په عملیاتو کې هم  برخه اخیستې وه.



اړوند خبرونه