د شمالي او سویلي کوریا ترمنځه د دښمنیو د ختمولو په خاطر یو ډیر مهم ګام اوچت شو

د شمالي او سویلي کوریا ترمنځه  د څو لسیزو  راهیسې روانې دښمنۍ  ځای  سولې او  دې صمیمي  روغبړ ونیو.

د شمالي او سویلي کوریا ترمنځه د دښمنیو د ختمولو په خاطر یو ډیر مهم ګام اوچت شو

 

د شمالي او سویلي کوریا ترمنځه  د سولې د مذاکراتو  او روانې دښمنۍ د ختمولو په خاطر  هلې ځلې دوام لري. پدې چوکاټ کې د سویلي کوریا  ولسمشر د یو ۳ ورځني سفر په ترڅ کې  شمالي کوریا ته سفر کړی دی.

د سویلي کوریا د ولسمشر  او د هغه د میرمن  نه  په هوايي ډګر کې د شمالي کوریا ولسمشر او د هغه میرمن  هر کلی وکړ.

همداشان  د شمالي کوریا په لسګونو زره تنه وګړي  چې  په لاسونو کې د متحدې کوریا  بیرغونه  رپول  د سویلي کوریا  د ولسمشر بدرقې ته  تللي وو.

د ویلو ده چې  د شمالي کوریا ولسمشر  کیم جونګ اون  د سویلي کوریا د ولسمشر مون  په ویاړ  د غرمې میلمستیا  جوړه کړې وه. دواړو مشرانو په ګډه د غرمې ډوډۍ  د خوړو نه وروسته  په رسمي لیدونو کتنو کې برخه واخیسته.

تمه کیږي چې د شمالي او سویلي کوریا ولسمشران  د دواړو هیوادونو ترمنځه  د روان خصومت  او دښمنۍ  د ختمولو په خاطر  ځیني عسکري تړونونه هم  لاسلیک کړي.

د شمالي او سویلي کوریا ترمنځه  د سولې خبرې او ښه نیت  د سویلي کوریا لخوا ژمنیزو اولمپیاتو ته  د شمالي کوریا  ډلې ته د بلنې ورکولو او د شمالي کوریا لخوا بلنې ته د لبیک ویلو سره  پیل شوې.

شمالي کوریا  په سویلي کوریا کې  جوړو شوو  ژمنیزو اولمپیاتو کې  په ډیره  لوړه کچه  ګډون وکړ. د شمالي کوریا د ولسمشر خور په مشرۍ  هیت  سویلي کوریا ته لاړ. د شمالي کوریا د ولسمشر خور د لومړي ځل لپاره د سویلي کوریا د ولسمشر او مقاماتو سره  ولیدل او پدې ډول د سولې په خاطر  لومړنی ګام اوچت شو.

وروسته  بیا د شمالي کوریا ولسمشر کیم جونګ اون  د سویلي کوریا د ولسمشر سره د لیدنې په خاطر  د دواړو هیوادونو ترمنځه  بې طرفه سیمې ته ولاړ او هلته يي لیدنه وکړه.

هغه  د سویلي کوریا ولسمشر ته  شمالي کوریا ته بلنه ورکړه  چې د هغه لخوا ومنل شوه.

د ویلو ده چې  لنده موده مخکې د شمالي او سویلي کوریا جګپوړو عسکري چارواکیو  غونډه کړې وه.



اړوند خبرونه