د نړۍ په مطبوعاتو کې د ترکیې انعکاس

د نړۍ په مطبوعاتو کې د ترکیې انعکاس

د نړۍ په مطبوعاتو کې د ترکیې انعکاس

 

د پاکستان  غږ راډیو  د ولسمشر رجب طیب اردوغان  له قوله لیکلي دي چې  د ټولو هغه ترهګرو ډلو پر خلاف به  مبارزې ته  پرته د ځنډه دوام وکړي چې  ترکیې ته  ګواښ مخامخ کړی دی.

د روسیې غږ راډیو : د ترکیې  لوی درستیز ستر جنرال خلوصي اکار  د زیتون څانګې عملیاتو په دیرشمه ورځ   سوریې سره پوله کې د هتای او کیلیس په ولایتونو کې  د امنیتي ځواکونو  او غنډونو نه  لیدنه وکړه. هغه  د عفرین د عملیات  د سوق او ادارې مرکز نه لیدنه وکړه  . هغه  د لیدنې نه وروسته  خبریالانو ته وویل چې په عفرین کې  د موجود  او د  بهر کې د هغوې د ملاتړ په خاطر راتلوونکي ترهګر به ټول له منځه یوسو.

د جرمني  د دویچه ویلي خبري اژانس : د ترکیې  لومړي وزیر بنعلي ییلدرم  له قوله لیکلي دي چې د ترکیې  ولسمشر رجب طیب اردوغان به  په جرمني کې د حکومت د جوړیدو نه وروسته  ددې هیواد نه  لیدنه وکړي. د ترکیې  لومړي وزیر ییلدرم  د جرمني نه د ترکیې د ملي ټانک  التای لپاره د ملاتړ غوښتنه وکړه.

د انګلستان د بي بي سي ترکي ژبې څانګه : د ترکیې د بهرنیو چارو وزیر مولود چاوش اوغلو  په سوریه کې د بشار اسد ځواکونه  عفرین ته د تلو په اړه د خبریالانو د پوښتنو په ځواب کې وویل « که چیرې  د اسد ځواکونه  د پ وای ډي ترهګرې ډلې  د ملاتړ په خاطر  عفرین ته ځي  پس ترکي ځواکونه به پرې  بریدونه وکړي. د ترکي ځواکونو د پرمختګ  مخنیوی هیڅوک هم  کولی نشي. »

د روسیې د ریا نویستي خبري اژانس : د ترکیې ولسمشر رجب طیب اردوغان ویلي دي چې  ترکي ځواکونه به په نږدې ورځو کې  د عفرین  ښار په کامله توګه محاصره کړي. اردوغان ددې خبرې په ټینګار وویل « هغه برخو ته چې غواړي د ترکیې په سویلي پولو کې د ترهګرو  دهلیز  جوړ کړي  دا وښايو چې هیڅکله به هم  خپلې دې موخې ته ونه رسیږي. ترکیه به دوې ته اجازه ورنکړي »

د ایټالیا د انسا خبري اژانس : د اسد پلوي ځواکونه  چې غوښتل يي عفرین ته لاړ شي  د ترکیې د توپچي ځواکونو  د اخطاري بریدونو نه وروسته  بیرته په شا تګ ته  اړ شول.

د جرمني د دویچه ویلي خبري اژانس : د ترکیې  د حکومت ویاند  بکر بوزداغ  د سوریې د منبیچ په ښار کې د وای پ جي ترهګرې ډلې  د موجودیت په اړه  معلومات ورکړل. هغه وویل که چیرې امریکا  دا ترهګره ډله  د منبیچ نه  ونه شړي  او په شا يي نکړي  دا پخپله  ددې ښکارندويي کوي چې ترکیې ته مخامخ ګواښونه له منځه نه ځي. هغه وویل چې د منبیچ په مسله کې به وروستۍ خبره  ترکیه کوي.

د امریکن ترکش نیوز خبري ویبپاڼه : د ترک جریان  د ګازو د نللکې د پروژې  د ۴۸ سلنه چارې سرته رسیدلي دي. د ترک جریان د پروژې  په چوکاټ کې  تر ننه پورې په سمندر کې ۸۸۴ کیلومتره  نللیکه  غځول شوې ده .

د ایران د ایرنا  خبري اژانس : د ترکیې د ګمرک او تجارت وزیر   بولنت تفنګچي  له قوله ویلي دي چې  ترکیه  به   ایران سره په پوله کې  دریمه  سرحدي دروازه  د ۲۴ ساعتونو لپاره پرانیستې وساتي. دا اقدام به د دواړو هیوادونو ترمنځه سوداګریز حجم  لا لوړ کړي  او د سوداګري توکو د تګ راتګ  سره  به مرسته وکړي.

د جاپان د ژي ژي خبري اژانس : د ترکیې ولسمشر رجب طیب اردوغان وویل چې د ترکیې وسله والو ځواکونو د اسد پلوي ملیشه  ځواکونه چې غوښتل يي  د پ ک ک ترهګرې ډلې د مرستې په خاطر  عفرین ته  لاړ شي  د توپخانې د بریدونو نه  په شا تګ ته  اړ کړل.

د ګرجستان  د انټرپرس نیوز خبري اژانس : د ترکیې د ټرانسپورت، سمندري چارو او معلوماتو وزیر احمد ارسلان  ویلي دي چې د چین نه اروپا ته غځیدلې  سوداګري  د باکو، تفلیس او کار د ریل ګاډي  د پلټۍ  سره  ترسره کیدل  د ترکیې د مهمو اهدافو نه یو دی.

د اسوشیتید پرس خبري اژانس : د ترکیې د ولسمشر رجب طیب اردوغان ویاند  ابراهیم  قالن  له قوله لیکلي دي چې  د ترکیې وسله والو ځواکونو  د اسد د پلوي ځواکونو چې غوښتل يي  د عفرین سیمې ته داخل شي  د مخنیوي نه خبر ورکړی دی. قالن ویلي دي چې ترکیه به د اسد د پلوي ترهګرو ډلو ددې ډول  اقداماتو سره سره  په عفرین کې پرمختګ ته دوام ورکړي.

د ایران د ایرنا خبري اژانس : د ترکیې لومړي وزیر بنعلي ییلدرم  د یوولسم پراختیايي پروګرام په غونډه کې  وویل چې ترکیه  دم ګړۍ په نړۍ کې  ۱۳ م  ستر اقتصادي هیواد دی.

د امریکا غږ راډیو : د ترکیې ولسمشر رجب طیب اردوغان ویلي دي ترکیه چې بې پيلوټه الوتکې جوړولی  شي  ددینه وروسته به پرته د چلوونکې  ټانک هم  جوړ کړي.

د فرانس پرس خبري اژانس : د ترکیې د استانبول په ښار کې  د روسیې د قونسلګرۍ په مخکې  د سوریې د غوطه په سیمه د روانو بریدونو د غندنې  په خاطر  مظاهره وشوه . پدې مظاهره کې  نږدې ۲۰۰ تنو ګډون کړی وو.

د جرمني د ډي پي ای خبري اژانس : د ترکیې د لومړي وزیر مرستیال  او د حکومت ویاند  بکر بوزداغ ویلي دي چې  د ترکیې لخوا د عفرین په سیمه کې په روانو عسکري عملیاتو کې تر اوسه پورې  یو تن ملکي وګړي ته هم  ځاني زیان ندی اوښتی.

هغه ویلي دي چې په سیمه کې د وروستي ترهګر د لمنځه وړو پورې به عملیات دوام وکړي.

د روسیې د ریا نویستي خبري اژانس بیا د ترکیې د بهرنیو چارو وزیر مولود چاوش اوغلو له قوله ویلي دي چې ترکیې په سوریه کې عسکري عملیات  د نوموړي هیواد د ارضي تمامیت نه د دفاع په خاطر پیل کړي دي.

د ایران د فارس خبري اژانس : ترکیې  د بهرنیو چارو وزارت  د هالنډ د مشرانو جرګې لخوا  د ۱۹۱۵ کلونو د تش په نامه د ارامنه  ادعاګانو  د په رسمیت پیژندل په کلکه توګه وغندل.

 



اړوند خبرونه