اردوغان : د امریکا په بعضو قونسلګریو کې جاسوسان کار کوي

په امریکا د ولسمشر اردوغان سختې نیوکې.

اردوغان : د امریکا په بعضو قونسلګریو کې جاسوسان  کار کوي

د ترکیې ولسمشر رجب طیب اردوغان  وویل چې  په ترکیه کې د امریکا  په بعضو قونسلګریو  او سیاسي نماینده ګیو کې جاسوسان  شتون لري.

ولسمشر زیاته کړه چې همدا  اوس  په استانبول کې د امریکا په قونسلګرۍ کې  د فتح الله ګولن ترهګریز سازمان جاسوس  پټ  دی. هغه زیاته کړه « دا ډیپلوماټان ندي  جاسوسان دي » هغه زیاته کړه چې دیته ورته  جاسوسان  په امریکا کې هم  شتون نلري.

د فتح الله ګولن دا جاسوسان  د امریکا د کانګرس سره  ډیرې  نږدې اړیکې لري. دا یو داسې حقیقت  دی چې ټول په ډیر ښه پوهیږي. همداشان د فتح الله ګولن ترهګریز سازمان مشر  او د جاسوسان  مشر  د امریکا د پنسلوانیا په ایالت کې  ژوند کوي.

ولسمشر اردوغان  د صربستان نه هیواد ته د راستنیدو پر مهال په الوتکه کې د خبریالانو پوښتنې ځواب کړې.

ولسمشر اردوغان  د امریکا سره  د ویزې د کړکیچ په اړه د پوښتنې په ځواب کې وویل

« د ترکېې او امریکا ترمنځه د ویزې د کړکیچ  یواځنی مسئول  په انقره کې د امریکا سفیر جان باس  دی. »

ولسمشر اردوغان وویل چې  همدا اوس  په ترکیه کې د امریکا په بعضو قونسلګریو کې جاسوسان  شتون لري.



اړوند خبرونه