ولسمشر اردوغان فرانسې ته سفر کوي

د ترکیې ولسمشر رجب طیب اردوغان  د نوامبر په لسمه نیټه د دوه ورځني  سفر په ترڅ کې  فرانسې ته ځي.

ولسمشر اردوغان فرانسې ته سفر کوي

د ویلو ده چې  د لومړۍ نړۍوالې جګړې پر مهال  د جرمني او ایتلافي دولتونو ترمنځه  د جګړې د پایته رسولو په خاطر  د ۱۹۱۸ کال د نوامبر په ۱۱ مه نيټه  د اوربند  تړون لاسلیک شو. د نوموړي تړون  سره  لومړۍ نړۍواله جګړه پایته ورسیده.

د ویلو ده چې  د نوموړي اوربند د تړون د سلمې کلیزې په خاطر  د فرانسې په پلازمینه پاریس کې ځانګړي مراسم جوړیږي.

پدې مراسمو کې د ترکیې په استازیتوب ولسمشر رجب طیب اردوغان ګډون کوي.

پدې مراسمو کې به د امریکا د ولسمشر دونالد ټرمپ او د روسیې د ولسمشر ولادیمیر پوتین په ګډون  د نړۍ د ۸۰ هیوادونو  مشران ګډون وکړي.

ولسمشر اردوغان به پاریس ته د خپل سفر په ترڅ کې  د پاریس د سولې په غونډه کې هم ګډون وکړي. تمه کیږي چې ولسمشر اردوغان  په پاریس کې د امریکا د ولسمشر دونالد ټرمپ او د فرانسې د ولسمشر ماکرون سره هم  جلا جلا لیدنې وکړي.

ولسمشر اردوغان سره  د نړۍ د یو زیات نورو هیوادونو د مشرانو سره هم  دوه په دوه لیدنې وکړي.



اړوند خبرونه