Uashingtoni dhe Islamabadi konfirmojnë bashkëpunimin edhe pas deklaratave të Trumpit

Ushtria pakistaneze njoftoi se Uashingtoni ka garantuar Islamabadin se do të përmbahet nga çdo veprim i njëanshëm dhe se është duke kërkuar bashkëpunim në trajtimin e grupeve të armatosura në Pakistan...

Uashingtoni dhe Islamabadi konfirmojnë bashkëpunimin edhe pas deklaratave të Trumpit

Ushtria pakistaneze njoftoi se Uashingtoni ka garantuar Islamabadin se do të përmbahet nga çdo veprim i njëanshëm dhe se është duke kërkuar bashkëpunim në trajtimin e grupeve të armatosura në Pakistan.

Sipas një deklarate nga një media e Forcave të Armatosura të Pakistanit, “kjo deklaratë u bë nga kreu i Komandës Qendrore Amerikane (CENTCOM), Gjenerali Joseph L. Votel, gjatë një bisede telefonike me kreun e ushtrisë pakistaneze, Gjeneralin Qamar Javed Bajwa”.

“Më herët këtë javë, Bajwa mori një telefonatë nga një senator amerikan për të diskutuar për bashkëpunimin në fushën e sigurisë Pakistan-SHBA”, thuhet në deklaratë.

Votel tha se “Shtetet e Bashkuara të Amerikës vlerësojnë rolin e Pakistanit në luftën kundër terrorizmit”.

Ai gjithashtu njoftoi se “SHBA-ja nuk është duke parashikuar ndonjë veprim të njëanshëm brenda Pakistanit, por është duke kërkuar bashkëpunim për të luftuar shtetasit afganë, të cilët, sipas pikëpamjes së SHBA-së, përdorin territorin pakistanez kundër Afganistanit”.

Presidenti amerikan, Donald Trump, akuzoi Pakistanin se strehon talebanët afganë duke pezulluar gjithashtu një ndihmë ushtarake prej 255 milionë dollarësh.

Nga ana tjetër Pakistani i ka mohuar këto akuza. /ATSH

 


Lajme të ngjashme