Berläşkän Millätlär oyışması 16 yäş’lek fälästinle qıznı irekkä cibärergä çaqırdı

“Bu balalarnıñ saq astında naçar möğamälä kürüe, fizik häm ruxi izelüe, soraştıru waqıtında ğailä äğ’zaları häm advokatlar kerergä röxsät itelmäwe açıqlandı”

Berläşkän Millätlär oyışması 16 yäş’lek fälästinle qıznı irekkä cibärergä çaqırdı

Ahäd ät-Tämimi İzrail xärbi mäxkämäsendä saq astında xökem itelä. Berläşkän Millätlär oyışmasınıñ Keşe xoquqları buyınça Fälästin maxsus xisapçısı Maykl Link anı irekkä çığarunı taläp itte. Ul 11 martqa küçerelgän mäxkämä utırışın xalıqara xoquqlar nigezendä uzdıru kiräklegenä basım yasıy. Berläşkän Millätlär Gomum Assambleyası tarafınnan 1989nçı yılnıñ 20nçe höyabrendä imzalanğan häm İzrail dä yaqlağan “Bala xoquqları turındağı kileşü”dä balalar iñ soñğı çara bularaq häm iñ qısqa waqıtqa ireklärennän mäxrüm itelergä mömkin diyelgän. İzrail’ bu kileşüne bozdı. Maykl Link İzrail xökümäte balalarnıñ töp xoquqların tormışqa aşırırğa häm Tämimine saq astınnan çığarırğa tiyeş dip belderä.

Ahäd ät-Tämimi İzrail xärbiläre tarafınnan saq astına alınğan berdänber bala tügel, yıl sayın 500-700 balanı xärbi mäxkämägä çığaruı bilgele.

“Bu balalarnıñ saq astında naçar möğamälä kürüe, fizik häm ruxi izelüe, soraştıru waqıtında ğailä äğ’zaları häm advokatlar kerergä röxsät itelmäwe açıqlandı”,- di Maykl Link.



Bäyläneşle xäbärlär