• Video galereyası

Ğazzädä fäqir’lek arttı

İzrail qamawı astındağı Ğazzädä fäqirlek (fäqıyr'lek) citdi ülçämgä citte

Ğazzädä fäqir’lek arttı

Fälästindäge Üzäk statistika byurosı açıqlağan 2017 yıl xisabı Ğazzädäge fäqir’lekneñ ni qadär artuın kürsätä.

Xisapqa kürä 2 million tiräse keşe yäşägän Ğazzädä yarlılıq küläme - 53%.

Üzäk statistika byurosı Fälästindä 2011 yıl belän çağıştırğanda uzğan yılnı fäqir’lek külämeneñ 13%ka artuın, artıq fäqir’lek külämendä dä 30%lık artışnıñ küzätelüen belderä.

Belgeçlär Ğazzädäge bu wazğiyätneñ töp säbäbe bularaq 2006 yıldan bügengä qadär däwam itüçe İzrail qamawı kiterep çığarğan krizisnı häm tarmaqlardağı tuqtap torunı kürsätä.

İzrail qamawı belän ber rättän 2013 yılnıñ iyul’ ayında başqarılğan xärbi tüntäreleştän soñ Misır Ğazzäneñ dönyağa açıluçı berdänber bäyläneş urını bulğan Räfah çik buyı qapqasın yış räweştä yaba.

Qamaw arqasında yağulıq citmäwçe şähärdä könneñ yartısınnan kübräk waqıtında öy häm êş urınnarında ut bulmıy.

Bu da Ğazzädäge êşxanälärneñ yabıluına yäisä citeşterüneñ azayuına säbäpçe.

Dönya bankı mart ayında açıqlağan xisapka kürä Ğazzädäge êşsezlek küläme - 44%. Bu küläm universitetnı tämamlağan yäş’lär arasında 60%ka citä.

Ğazzädäge êşsezlek küläme 2015tä 38% bularaq açıqlanğan ide.

Mäğlümatlarğa kürä Ğazzä xalqı 1993 yıl belän çağıştırğanda bügenge köndä 25%ka fäqirräk.



Bäyläneşle xäbärlär