Gitlernıñ 1945nçe yılda ülüe dälillände

Franśuz ğalimnäre 2nçe Bötendön’ya suğışı waqıtında naśist Germaniyası liderı Adol’f Gitlernıñ 1945nçe yılda ülüen dälilli

Gitlernıñ 1945nçe yılda ülüe dälillände

Franśuz ğalimnäre 2nçe Bötendön’ya suğışı waqıtında naśist Germaniyası liderı Adol’f Gitlernıñ 1945nçe yılda ülüen dälilli. Tikşerülär anıñ śianid qullanıp başına ber yädrä atudan ülüe turındağı söyläşülärneñ döres buluın açıqlıy. Gitlernıñ qaçuı häm äle xaman yäşäwe turında bik küp farazlar yöri ide.   

2000nçe yılda Rusiyä başqalası Mäskäwdä Gitlernıñ baş söyägeneñ iyäk öleşe kürgäzmägä quyılğan ide. Franśuz ğalimnäre anı tikşerep, ñaśist liderınıñ Berlin alınğançı berniçä kön aldan – 1945nçe yılnıñ 30nçı aprelendä ülüen açıqladı. Söyäklär êlegräk tä centekle tikşerü ütkän, ämma annan ber kisäk alırğa röxsät itelmägän bulğan. Bu yulı söyäklärdän kisäk alıp êlektron mikroskop aşa tikşerdelär. Gitlernıñ teşlärendä aq teş taşı tabıla. Vegetarian bulğanı öçen it cepselläre kürenmi. Şulay uq, darı êzlären dä oçratmıylar. Bu isä Gitlernıñ pistoletın awızına quyıp atuı turındağı süzlären raslamıy. Tikşerü waqıtında Gitlernıñ yasalma teşlärendä śianid häm teş metalları arasındağı ximik reakśiyanıñ kürsätkeçe – zäñgär qaldıqlar tabıldı.

Belgeçlär Gitlernıñ Mäskäw däwlät arxivında saqlanuçı baş söyäge kisägen dä alıp tikşerde. Anıñ sul yağında tişek bar. Anı yädrä yasawın açıqladılar.

Tarixçılar Gitlernıñ sovet ğaskärläre Berlinğa kerer aldınnan cir astı bunkerında xatını Yeva Braun belän bergä üz-üzenä qul saluın söyli. Alar naśist liderınıñ cäsädeneñ bunker yanında nemeś ofiśerları tarafınnan yandırıluın, teşläre häm baş söyäge kisäkläreneñ soñraq sovet xärbiläreneñ tabıp aluın, Stalin ämere belän Mäskäwgä kiterelüen assızıqlıy.   



Bäyläneşle xäbärlär