• Video galereyası

Ağaç utırtqan öçen - yädrä

İzrail xärbiläre ağaç utırtuçı fälästinlelärgä ut aça

Ağaç utırtqan öçen - yädrä

İzrail xärbiläre Yordannıñ basıp alınğan könbatış üzänlege häm Qudüstäge çaralarğa qatışıp 3 fälästinle yaraladı. Monnan tış, bik küp keşe küz yäşe çığaruçı gazdan täêsirlände. Aralarında xalıqara häm ğaräp mediası jurnalistları da bar.

Fälästinlelär, rizasızlıq çaraları oyıştırıp, jurnalistlarnıñ İzrail kirtälärenä tarımıyça irekle räweştä êşli aluların yaqladı. Miting Qudüsneñ tön’yağındağı Kalandiyä lşähärendä ütte. İzrail xärbiläre anda qatnaşuçılarğa gaz belän qarşılıq kürsätte. Anıñ täêsire astında distälärçä keşe, şul isäptän, Xalıqara jurnalistlar berlege häm Ğaräp jurnalistları berlege äğ’zaları da qaldı.  

Fälästin bäysezlek oyışması törkemnärennän Xalıq partiyäse säyäsi byurosı äğ’zası Xalid Mansur beldergänçä, Fälästinneñ êlekkege ilbaşı Yasir Arafatnıñ ülemeneñ 14 yıllığı uñayınnan Nablusnıñ kön’yağındağı Urif awılında ağaç utırtqannar. Bu, şulay uq, fälästinlelärneñ üz cirlärendäge xoquqların raslaw çarası da bulıp tora. İzrail xärbiläre andağılarğa da qatışqan. Çaradağılarğa plastik tışlı timer yädrä häm küz yäşe çığarıçı gaz belän höcüm itälär. Şunnan soñ fäşästinle yäş’lär belän İzrail ğaskärläre arasında tartqalaşu çığa. Xärbilär çın yädrä belän ata başlıy. 3 fälästinle yaralana. Alarnı xastaxanägä iltälär. Küz yäşen çığaruçı gazdan täêsirlängän distälägän keşegä dä tabiblar yärdäm kürsätä.



Bäyläneşle xäbärlär