Ğabdräşit İbrahim iskä alına

Törkiyä başqalasında tatar säyäsätçese häm din ähele Ğabdräşit İbrahim iskä alına

Ğabdräşit İbrahim iskä alına

Törkiyä başqalası Änkarada urnaşqan Bilkent universitetınıñ Güzäl sänğätlär häm dizayn-miğmarlıq fakul’tetı binasında ütkärelüçe fänni cıyın “Qazan-İstanbul-Tokio öçpoçmağında tatar-törek säyäxätçese Ğabdräşit İbrahim” dip atalğan.

19nçı aprel’ könne töştän soñ dürtençe yartıda başlanuçı fänni çarada Törkiyäneñ tanılğan ğalimnäre Xaqan Qırımlı, İsmäğil Türkoğlu, İbrahim Maraş häm Märtxan Dündar çığış yasıy.

Cıyın qısalarında Ğabdräşit İbrahimnıñ tormışına häm êşçänlegenä bağışlanğan fotokürgäzmä dä täq’dim itelä.

Seber yaqlarında tuıp üsep Törkiyädä häm Yaponiyada ğomer itkän Ğabdräşit İbrahim törek ilendä yäşägän çaqta Koniya vilayäteneñ Böğrüdelik seber tatarları awılına urnaşa.

Olı şäxeska bağışlap Törkiyädä, Yaponyada häm Tatarstanda moñarçı da iskä alu çaraları häm fänni cıyınnar oyıştırılğan ide.

Fotosürät “Facebook”tağı Ğabdräşit İbrahim törkemennän alındı



Bäyläneşle xäbärlär