Harry Potternı tatarça uqıp bula

Törek wä tatar dönyasında

Harry Potternı tatarça uqıp bula

Tatarstan başqalası Qazanda urnaşqan “Ğilem” inernet-proyektı ingliz yazuçı J.K. Rowlings yazğan “Harry Potter” kitaplarınnan “Harry Potter hӓm Fӓlsӓfӓ taşı”n tatar telenӓ tӓrcemӓ itte. Kitap “Harri Potter hӓm fӓlsӓfӓçe taşı” isemen yörtӓ.

Proyektnı oyıştıruçılardan Aydar Şayhin kitapnı tӓqdir itkӓndӓ tübӓndӓgeӓ belderde: “Uquçılarıbız tӓrcemӓbezne oşatırlar dip ışanam. Çönki bezneň tӓrcemӓ rus telenӓ tӓrcemӓ itkӓn Mariya Spivaknıň tӓrcemӓlӓrennӓn yaxşıraq.”

Kitapnıň tatarçağa tӓrcemӓse proyekt sӓxifӓsendӓ urın alaçaq. Anı tülӓwsez uqıp bula.

Proyekt iyӓse citkergӓnçӓ kitapnı tatarçağa tӓrcemӓ itüçelӓr tekst östendӓ uzğan yılnıň dekabr’ ayınnan birle êşlӓde.

Kitapnı tӓrcemӓ itüdӓ 13 üzixtiyari köç quydı. Alar arasında soňğı sıynıflarda uquçı yӓşlӓr hӓm studentlar, tatar tele uqıtuçıları da bar ide.

Aydar Şayhinğa kürӓ “Harry Potter” kitabınıň tatarçağa tӓrcemӓ itelüe belӓn çit illӓrgӓ tӓrcemӓ sanı 80gӓ citte.

Bolar arasında latin, êlekke grek hӓm valli tellӓre dӓ bar.

Şayhin çığışında 3 yıl êlek üzlӓreneň 5nçe kitapnıň ber öleşen tatarça tӓrcemӓ itülӓren hӓm bu tӓrcemӓne Tatarstan mӓktӓplӓreneň rus sıynıflarında tatar tele dӓreslӓrendӓ qullanuların, tatarça öyrӓnü öçen monıň bik faydalı buluın ӓytte.

Aydar Şayhin bu yünӓleştӓge êşçӓnleklӓr öçen tögӓl plannarınıň bulmawın, lӓkin kilӓçӓktӓ “Harry Potter”nıň 8 kitabın da tatarçağa tӓrcemӓ itӓrgӓ telӓwlӓren belderde.

 

Tatarstan ilbaşı Röstӓm Miňnexanov tatar diň ӓhele, fӓlsӓfӓçe, tarixçı hӓm mӓğrifӓtçe Şihabetdin Mӓrcanineň tuuına 200 yıl tulu uňayınnan ütkӓrelӓçӓk tantanalı çaralar turında Ukaz imzaladı.

Yubiley çaralarına ӓzerlek êşlӓren alıp baru öçen oyıştıru komitetı tözelӓçӓk. Respublika matbuğat çaraları mӓğlümatı buyınça oyıştıru komitetın Tatarstan mӓğarif hӓm fӓn ministrı Êngel’ Fӓttaxov citӓklӓyӓçӓk.

 

Qazanda Uşu çempionatı uzdı. 6 kön dӓwamında Rusiyӓ, İran, Qıtay hӓm başqa illӓrdӓn körӓşçelӓr çempion iseme öçen yarıştı.

Çara aldınnan Röstӓm Miňnexanov Xalıqara olimpiya komitetı viŝe-prezidentı, Xalıqara uşu federaŝiyase prezidentı Yuy Ŝzayŝin belӓn oçraştı.

Çempionatta Törkiyӓ dӓ 11 sportçısı belӓn köç sınaştı.

 

Törek yegete Okean Gülӓr “Tatar-inform” xӓbӓrçesenӓ tatar tele hӓm Tatarstan turındağı fikerlӓre belӓň urtaqlaştı.

Gülӓr - KFUnıň Filologiya hӓm mӓdӓniyӓtara bağlanışlar institutınıň 1nçe kurs magistratura studentı.

Ul Tatarstanğa tatar telen öyrӓnergӓ kilgӓn.

Gülӓr tatar telen İstanbul şӓhӓrendӓ universitetta öyrӓnüen, anda uqığan waqıtta tatar telen tirӓnnӓn üzlӓşterergӓ 1 aylıq programma belӓn Yar Çallı şӓhӓrendӓ kilüen belderӓ. Kire universitetka qaytqaç, tatar telen “Ana tele” proyektı aşa üzlӓşterüçe dӓwam itkӓn.

 Qazanda tatar telendӓ söylӓşergӓ keşe küp dip ӓytep bula, ӓmma başta ul keşeneň tatar buluın belergӓ kirӓk. Min başta aptırap qalğan idem: keşelӓr törkem belӓn bulğanda tatarça, ӓ inde ikӓü genӓ qalğanda rus telendӓ söylӓşӓ. Kibetlӓrdӓ dӓ tatar isemle satuçılarnıň qayberlӓre tatarça êndӓşügӓ rus telendӓ cawap qaytara. Tik şulay da min Qazanda tatar tele belӓn genӓ yӓşӓp bulmağanın aňlıym,” – di ul.

Okean Gülӓr tatar teleneň xalıqara aralaşu tele buluın ӓytӓ.

“Minemçӓ, törki xalıqlar öçen tatar tele awır tel tügel. Tatar telen öyrӓnsӓň, barlıq törki millӓtlӓr belӓn dӓ aralaşıp bulaçaq. Mӓsӓlӓn, min tatar telen öyrӓngӓnçe qazaq telen bötenlӓy aňlıy almıy idem, ӓmma monda kilgӓç, alarnın ayırım xalıq ikӓnlegen anladım. Miňa Tatarstan bik tӓ oşıy, şulay uq tatarlarnı da bik nıq yaratam,” – di Okean.



Bäyläneşle xäbärlär