Xızır İl’yas

Bolarnı beläsezme?-20

Xızır İl’yas

Xızır İl’yasnıñ YUNESKOnıñ matdi bulmağan mädäni miras isemlegendä urın aluın belä idegezme?

Xızır İl’yas yaz citüne qotlıy torğan, ömet ,söyeneç alıp kilüçe häm 6 nçı mayda ütkärelüçe bäyräm. Anadoluda qıştan soñ tabiğät’neñ canlanuı belän mullıq häm bäräkät kilüen simvollaştıruçı kön 6 nçı may häm bu köngä Xızır İl’yas dip äytälär. Hızır häm İl’yas päyğambärlärneñ cir yözendä bu köndä oçraşuına ışanalar. Hızır İl’yasnı Törkiyäneñ şaqtıy cirendä tabiğät’neñ uyanuı, canlanuı belän matdi häm ruxıy yaqtan üzlären yaña yılğa äzerläwçe möselman häm xristian cämğiyät’lärdä ber ük könne qotlıylar.

Hızır İl’yastan êlek öylärne cıyıştıralar, törle rizıqlar peşerälär häm küp ağaç üskän,ağımsu bulğan cirdä piknik yasıylar. Monda törle uyınnar uynıylar. Qayber urınnarda zur uçaq ta yağalar. Doğa qılıp uçaq östennän 3 tapqır sikerälär. Teläklär yazıp kiçtän alarnı roza quağı töbenä quyalar, irtän qoyaş çıqqançı teläklärne cıyıp alalar. Qayçaq isä teläklär Xızırğa barıp ireşsen dip ağımsu yaisä diñgezgä ırğıtalar.

2016 nçı yılda Törkiyä häm Makedoniya bergä äzerlägän “Yaz bäyräme:Hızır İl’yas “isemle dos’ya belän YUNESKOğa möräcäğät’ itte. 2017 nçe yılda isä Hızır İl’yas keşelekneñ matdi bulmağan mädäni mirasınıñ simvolik isemlegenä kertelde.



Bäyläneşle xäbärlär