Törek matbuğatına küzӓtü 13.10.2017

13nçe üktäbr' könne basılıp çıqqan qayber törek gazetlarına küzätü

Törek matbuğatına küzӓtü 13.10.2017

“Star” gazetı “Ӓrdoğannan könbatışqa yullama: köçle Törkiyӓgӓ iyӓlӓşersez” isemle xӓbӓrendӓ Törkiyӓ ilbaşı Ӓrdoğannıň Kölliyӓttӓge “Vilayӓt’ idarӓse başlıqları cıyılışı”nda yasağan çığışında Amerika Quşma Ştatları belӓn ber rӓttӓn bar dönyağa möhim yullar yasawın citkerӓ.

Xӓbӓrgӓ kürӓ Törkiyӓneň hӓr yaqtan üsüen assızıqlağan Ӓrdoğan: “Vizioner hӓm köçle Törkiyӓne kürӓ almıylar. İlebezneň bügenge xalӓten qabul itӓ almıylar,” – dide.

Gazet yazuınça Ӓrdoğan AQŞ belӓn Törkiyӓ arasındağı viza kiyerenkelegeneň monıň ürnӓge buluın ӓytte. Ӓrdoğan Törkiyӓneň monnan soň berkemgӓ dӓ moxtac bulmawın da citkerde.

“Xӓbӓr türk” gazetı “Cirle qorallar Amerikan qorallarınnan sıyfatlıraq” isemle yazmasında Törkiyӓ ilbaşı Ӓrdoğannıň süzlӓren uquçıları belӓn urtaqlaşa: “Monnan soň bezneň poliŝiya oyışmabız Sig Sauer isemle qoralnı qullanmayaçaq. Bez bu pistolet hӓm tağın da ozın radiuslısın monnan soň ilebezdӓ yasıybız. Çönki alardan alğan sayın bez yalqawlanabız.”

Gazet yazuınça bar iğtibar çit il qoral sistemaların alıştıraçaq cirle hӓm törek milli proyektlarğa yünӓlde.

“Yӓni Şafak” gazetı “Törkiyӓ İdlibtӓ bӓreleşsezlek töbӓgen barlıqqa kiterü öçen êşkӓ kereşte” isemle xӓbӓrendӓ maxsus iminlek törkemnӓre tikşerü êşçӓnleklӓren tӓmamlağannan soň berençe berleklӓrneň tönlӓ İdlibkӓ baruın yaza.

Xӓbӓrdӓn kürengӓnçӓ 8 tank, 50 köbӓle transport çarası hӓm 200 tirӓse törek ğaskӓriye Süriyӓneň Kӓfӓr Lusin töbӓgennӓn kerde. Konvoy uzğanda töbӓk xalqı törek ğaskӓriyen şatlanıp, qarşı aldı.

“Watan” gazetı “Şveŝiyadan Törkiyӓneň Awrupa Berlege ӓğzalegenӓ xuplaw” isemle xӓbӓrendӓ Şveŝiya xökümӓteneň Makedoniya hӓm Törkiyӓneň Awrupa Berlegenӓ quşılu barışın xuplawnı dӓwam itterӓçӓgen açıqlawın yaza. Gazet yazuınça Şveŝiya xökümӓteneň rӓsmi sӓxifӓsendӓ urın alğan açıqlawda bu ilneň “Könçığış Awrupa, könbatış Balkan hӓm Törkiyӓ belӓn başqarılğan reforma xezmӓttӓşlege nӓticӓ strategiyase” kileşüe qısalarında ӓlege illӓrne Awrupa Berlegenӓ quşılu yulında xuplawnı, şul rӓweşle töbӓktӓ iqtisad, demokratik cӓhattӓn dӓwam itterӓ alına torğan qalqınuğa öleş kertüne maqsat itӓ” dip ӓytelӓ.



Bäyläneşle xäbärlär