Törek matbuğatına küzätü 17.10.2017

17 nçe oktyabr' könne basılıp çıqqan qayber törek gazetlarına küzätü

Törek matbuğatına küzätü 17.10.2017

“Xörriyät” gazetı” Hawa kiňlege Tön’yaq Ğiraqqa oçışlarğa yabıldı” isemle xäbärendä Törkiyäneň Ğiraq körd regional’ citäkçelegeneň 25 nçe sentyabr’dä Ğiraq Töp Qanunın bozıp qanunsız bäysezlek referendumı ütkärgännän  soň Kärküktä demografik strukturanı bozaçaq räweştä yasağan adımnar säbäbe belän Ğiraq körd regional’ citäkçelegenä hawa kiňlegen yabuın citkerä.

 Monnan soň oçqıçlar Törkiyä hawa kiňlegen qullanıp Ğiraq körd regional’ citäkçelege bulğan alannarğa oça almayaçaq. Annan quzğalıp kitkän oçqıçlar da Törkiyä hawa kiňlegen qullana almayaçaq. İbrahim Halil çik buyı qapqasın Ğiraq xökümätenä tapşıru mäs’äläsendä êşçänleklär başlatılaçaq.

 “Xäbär Türk” gazetı ” AQŞ belän Törkiyä arasında viza krizisınıň betüe ike il öçen dä faydalı bulır” isemle xäbärendä Törkiyä prem’yer – ministr urınbasarı häm xökümät süzçese Bäkir Bozdağnıň Törkiyä häm Amerika Quşma Ştatları mönäsäbätläreneň êlegräk bik zur sınawlar aşa uzuın ,berqayçan da viza krizisı kebek mäs’älä belän oçraşmawları turında äytüen citkerä.

Gazet yazuınça, Bozdağ AQŞ wäkillegeneň Törkiyägä kilüen bu mäs’äläneň iň qısqa waqıtta uňay räweştä çişelüenä ömetlänülären citkerde.

”Sabah” gazetı “Törkiyä Somaliğa yärdäm qulı suzdı” isemle xäbärendä Törkiyäneň bombalı höcümdä 300 dän kübräk keşeneň ğomere  özelgän Somaliğa yärdäm qulı suzuı turında yaza.

 Xäbärdän kürengänçä, höcümdä yaralanğan barlıq keşelär Somalidağı Räcäp Tayyip Ärdoğan isemendäge xastaxanägä salındı, 35 yaralı isä xärbi oçqıç belän Änkarağa kiterelde.

 Şulay uq Mogadişoğa 10 keşelek belgeç êzläw-qotqaru törkeme,10 meň tonna daru häm mediŝina kiräk-yarağı cibärelde.

“Vatan” gazetı” Cirle daru firması Awrupağa êksport başqara başladı” isemle xäbärendä Törkiyäneň daru tarmağında tanılğan şirkätlärennän “Pharmactive”nıň Yaqın Könçığış, Balkan häm Aziya illärennän soň Awrupa illärenä dä êksport başqara başlawın uquçıları belän urtaqlaşa.

”Yäni Şafak” gazetı “Afrika Tümosan traktorına östenlek birä” isemle xäbärendä Törkiyädä bıyıl traktor satuda artış küzätelüen, uzğan yıl 72 meň traktor satılğan bulsa, ağmdağı yılnıň 7 ayında 4,9% külämendä artış küzätelüen citkerä.

“Tümosan” şirkäte ğomum mödir urınbasarı Särhun Olgun Afrikada Törkiyä êşlänmälärenä zur östenlek birelüen belderde. 



Bäyläneşle xäbärlär