• Video galereyası

"Qaysı qoral qullanılsa da, ul cinayät’ bula"

Bu turıda Törkiyä ilbaşı "Dönya möselman azçılıqları" oçraşuında citkerde

"Qaysı qoral qullanılsa da, ul cinayät’ bula"

Törkiyä ilbaşı Ärdoğan näticäse ülem bulğannan soñ qaysı qoral qullanılsa da, monıñ cinayät’ buluıä äytte.

Ärdoğan İstanbuldağı "Dönyada möselman azçılıqları" oçraşuında çığış yasadı.

Çığışında Süriyädäge problemalarğa tuqtalğan ilbaşı: “Üz arabızdağı bäreleşlärne möselman bularaq üzebez çişmibez. İslamnan çittägelär çişä. Alarğa qalsa, bombağa totuları başlana. Monı qaywaqıt ximiq qoral, qayçaq ta konvenśional’ qoral dip atıylar,” – dide.

Süriyäneñ Könçığış Guta häm Duma töbäklärendä qullanılğan ximik qorallarğa da tuqtalğan Ärdoğan: “Ütkändä kileşü tözelgän, ximik qorallarğa qarşı xalıqara oyışmalar totış kürsätergä tiyeş. Näticäse ülem bulğannan soñ qaysı qoral qullanılsa da, ul cinayät’ bula. Ximik qorallardan meñ keşe ülgän bulsa, konvenśional’ qorallar belän 100 meñnärçä üterelde. Monı ber dä söyläşmilär,” – dide.

Ärdoğan tübändägeçä däwam itte: “Germaniya, Hollandiya, Bel’giya, Franśiyadä möselmannarğa qarata höcümnär däwam itä. Möselman xatın-qızlar yawlıq kigännäre öçen tınıçsız itelä, yaxşı ürnäge – Franśiya.”

İlbaşı Arakandağı möselmannarğa da tuqtalıp: “Möselman bulğannarı öçen üterelgän, öylärennän, tuğan yaqlarınnan quılğan qardäşlärebez bar,” – dide.

Ärdoğan möselman bularaq cawaplılıqları buluın açıqlap: “Möselmannar bularaq bezneñ wazifa bilgele. Bez höcümnärgä bitaraf qala almıybız,” – dide.



Bäyläneşle xäbärlär