• Video galereyası

"Qıyadağı Greśiya bayrağı alındı"

Binali Yıldırım Didim su kiñlegendäge Hurşid qıyasına tergezelgän Greśiya bayrağınıñ alınuın äytte

"Qıyadağı Greśiya bayrağı alındı"

Törkiyä prem’yer-ministrı Binali Yıldırım comğa könne Aydınnıñ Didim ilçäse su kiñlegendäge Hurşid qıyasına tergezelgän Greśiya bayrağınıñ alınuın äytte.

Greśiyağa çaqıru yasağan Yıldırım: “Kürşebez Greśiya Ägäy diñgezendä qaywaqıt kiyerenkelekne arttıruğa qarağan ber törkem êşçänleklär başqara. Soñğı waqıtta alarda artış küzätelä. Ägäy diñgezendä iyäse bilgese bulmağan qıyalar bar. 1996 yılda Kardak qıyasında oxşaş kereşü bulğan ide. Didim su kiñlegendä Antrofotos (Hurşid) qıyasına Greśiya bayrağı tergezelde. Yar buyı iminlek törkemnärebez kiräkle çaralar kürde, bayraqnı aldı,” – dide.

Yıldırım tübändägeçä däwam itte: “Bez Greśiyağa şunı kiñäş itäbez: yaxşı kürşelek mönäsäbätläre qısalarında kiyerenkelekne arttıraçaq provakaśiyalärdän, qotırtulardan taypılsın. Kürşelek xoquqına yaraqlı bularaq êş başqarsın.”



Bäyläneşle xäbärlär