2 فیلیسطین‌لی اوشاق شهید اولدو

ایسرائیل عسگرلری ایشغال آلتین‌داکی اردن چایی‌نین غرب ساحلی ایله غزه سرحد منطقه‌سینده فیلیسطین‌لی ایکی اوشاغی شهید ائتدی، اوچ نفری ایسه یارالادی.

2 فیلیسطین‌لی اوشاق شهید اولدو

ایسرائیل عسگرلری ایشغال آلتین‌داکی اردن چایی‌نین غرب ساحلی ایله غزه سرحد منطقه‌سینده فیلیسطین‌لی ایکی اوشاغی شهید ائتدی، اوچ نفری ایسه یارالادی.

غزه-ده کی فیلیسطین ساغلیق ناظیرلیگی‌نین سؤزچوسو اشرف ال کودرا البریج قاچقین دوشرگه‌سی‌نین شرق سرحدینده امریکانین قودسو ایسرائیل-ین پایتاختی اولا‌راق تانیما قرارینا اعتراض ائتمک اوچون کئچیریلن تظاهرات لاردا 16 یاشین‌داکی امیر عبدالحمید أبو موساید آدلی فیلیسطین‌لی بیر اوشاغین ایسرائیل عسگرلری‌نین گولله‌سیله سینه‌سیندن وورولا‌راق، شهید اولدوغونو بیلدیردی.

سؤزچو همین حادثه‌لر زامانی 3 فیلیسطین‌لی‌نین یارالاندیغینی و وضعیتی آغیر اولان یارا‌لی‌لارین اولدوغونو سؤیله‌دی.

فیلیسطین ساغلیق ناظیرلیگی‌نین آچیقلاماسیندا دا ایسرائیل عسگرلری‌نین اردن چایی‌نین غرب ساحلی‌نین قوزیی ینده کی نابلوس شهرینه باغلی عراق بورین کندین‌دکی موداخیله‌سینده فیلیسطین‌لی بیر اوشاغین شهید اولدوغو بیلدیریلدی.

 شهید اولان 16 یاشین‌داکی علی امیر کاینو آدلی اوشاغین عمی‌سی‌نین اوغلو ناصر کاینو عمی سی اوغلونون عراق بورین کندی‌نین گیریش یئرینده ایسرائیل عسگرلری‌نین ووردوغونو سؤیله‌‌دی.

کاینو علی‌نین خصوصی ماشینلا آپاریلدیغی نابلوس‌داکی خسته‌خانا‌لاردان بیرینده شهید اولدوغونو بیلدیردی.



ایلگیلی‌لی خبرلر