کؤرفز قالخانی مانورو تاماملاندی

"۱.جی اورتاق کؤرفز قالخانی" مانورونون تعلیم مرحله‌سی ۲۱ مارس‌دا باشلامیش، ۱ آوریل‌دن اعتباراً فعلی مانورا گئچیلمیشدی

کؤرفز قالخانی مانورو تاماملاندی

عربیستان‌دا آرالارین‌دا تورکیه‌نین ده اولدوغو ۲۳ اؤلکه‌نین ایشتیراکی ایله دوزنلنن "۱.جی اورتاق کؤرفز قالخانی" مانورو تاماملاندی.

عربیستان ساوونما باخانالیغینین ائو صاحبلیین‌ده اؤلکه‌نین دوغوسونداکی الشرقیه بؤلگه‌سین‌ده حیاتا گرچکلشن مانور، عربیستان کرالی سلمان بن عبدالعزیز ایله یاناشی، ۲۹.جو عرب بیرلیگی ذیروه‌سی اوچون اؤلکه‌ده اولان لیدئرلرین ایشتیراک ائتدیگی مراسیمله باشا چاتدی.

تدبیرده تورکیه‌نی تمثیل ائد‌ن باش قرارگاه باشقانی ژنرال خولوصی آکار و تورکیه‌نین ریاض ائلچیسی اردوغان کؤک یئر آلدی.

"۱.جی اورتاق کؤرفز قالخانی" مانورونون تعلیم مرحله‌سی ۲۱ مارس‌دا باشلامیش، ۱ آوریل‌دن اعتباراً فعلی مانورا گئچیلمیشدی.

اورتاق کؤرفز قالخانی سؤزچوسو ژنرال عبدالله حسین السبیعی، ایشتیراک‌چی اؤلکه‌لرین قورو، دنیز، هاوا ساوونما و اؤزل گوج‌لره باغلی بیرلیک‌لرینین ایشتیراک ائتدیگی مانوردا گرچک مهماتین ایستیفاده ائدیلدیگینی آچیقلامیشدی.

السبیعی، آیریجا گلیشمیش مدرن سلاحلارین ایستیفاده ائدیلدیگی مانوردا، اورتاق حرکت قابیلیتینین آرتیریلماسینین آماجلاندیغینی قید ائتمیشدی.

عربیستان رسمی آژانسی سپادا یئر آلان خبرده "بؤلگه‌نین ان بؤیوک حربی مانورو" کیمی دگر‌لندیریلن "۱.جی اورتاق کؤرفز قالخانین‌دا" ایستیفاده ائدیلن اصوللارین دونیانین ان مدرن سیستملری آراسین‌دا یئر آلدیغی و سؤزوگئدن مانورون بو باخیم‌دان بیر" دؤنوش نقطه‌سی" اولدوغو ایفاده ائدیلمیشدی.



ایلگیلی‌لی خبرلر