ایران‌دان هولند، دانمارک و اینگیلتره‌یه اعتراض

هولند و دانمارک سفیرلری ایله اینگیلتره‌نین تهران سفیر وکیلی، اهواز سالدیریسینی حیاتا کئچیرن تشکیلات عضو‌لرینه اؤلکه‌لرینده ایجازه وئریلدیگی و بو سببله ده ایران خاریجی ایشلر ناظیرلیگینه چاغیریلیب

ایران‌دان هولند، دانمارک و اینگیلتره‌یه اعتراض

هولند و دانمارک سفیرلری ایله اینگیلتره‌نین تهران سفیر وکیلی، اهواز سالدیریسینی حیاتا کئچیرن تشکیلات عضو‌لرینه اؤلکه‌لرینده ایجازه وئریلدیگی و بو سببله ده ایران خاریجی ایشلر ناظیرلیگینه چاغیریلیب.

ایران خاریجی ایشلر ناظیرلیگی سؤزچوسو بهرام قاسمی، خاریجی ایشلر ناظیرلیگی‌نین سایتین‌داکی یازی‌لی آچیقلاماسیندا، 3 اؤلکه دیپلومات‌لاری‌نین خاریجی ایشلر ناظیرلیگینه چاغیرا‌راق اهواز سالدیریسینی حیاتا کئچیرن ترور تشکیلاتی عضو‌لرینه اؤلکه‌لرینده یاشامایا ایجازه وئریلدیگی اوچون همین اؤلکه‌لره ایرانین کسکین اعتراضی‌نین ایله'تیلدیغینی ایفاده ائدیب.

قاسمی، هولند و دانمارکا داها اوّل ده سؤز قونوسو ترورچولارلا باغلی خبردارلیق‌لار ائتدیک‌لرینی و توتوب محاکیمه اولونما‌لارینی طلب ائتدیک‌لرینه ایشاره ائده‌رک، "بو ترورچو قروپون عضو‌لری‌نین آوروپا اراضی‌سینده جینایت ائتمدیک‌لری پروسه آوروپا بیرلیگی ترور لیسته‌سینه داخیل ائدیلممه‌لری قبول ائدیلمز." دئدی.

هولند و دانمارک‌دان ترورچو ائیلمینی پیسلمکله یاناشی، قت عامین سببکاری ترورچولاری و اونلارلا علاقه‌لی اولان‌لاری ایران محکمه‌سینه تسلیم ائتمه‌لرینی ایستدیک‌لرینی بیل‌دیرن قاسمی، "داعش آوروپادا فعالیت ائتسه نئجه بیر حساس‌لیق گؤستریلیر؟ بو ترورچولارین ده داعشدن هئچ بیر فرقی یوخدور و هئچ بیر اؤلکه وطنداشی آراسیندا آیری-سئچکی‌لیک قویولماما‌لی‌دیر". قیمتلندیرمه‌سینده اولوب.

قاسمی، سفیرلرین ده مسئله پایتخت‌لرینه ایلته'جکلرینی و اؤلکه‌لری‌نین جینایتکارلارین معین ائدیلمه‌سی اوچون امکداشلیغا حاضیر اولدوغونو ایلتدیکلرینی بیلدیردی.

اینگیلیس دیپلومات ایسه الاهوازیه آدلی تشکیلاتین سؤزچوسونون لندنده یایینلانان  بیر تلویزیون کانالیندا سالدیری'نین مسئولیتینی اوزرینه گؤتورمه‌سینه ایجازه وئریلمه‌سی‌نین ایران اوچون قبول ائدیلمز اولدوغونون چاتدیریلدیغینی بیل‌دیرن قاسمی، اینگیلیس دیپلوماتین مسئله'نی لندنه چاتدیراجاغینی ایفاده ائتدیگینی قئید ائدیب.

 



ایلگیلی‌لی خبرلر