دایناسور اسکلتلری ۳ میلیون یورویا ساتیلدی

۲ دایناسور اسکلتی، پاریس‌ده‌کی دروووت مزایده ائوین‌ده هر بیری تخمیناً ۱،۴ یورویا ساتیلدی

دایناسور اسکلتلری ۳ میلیون یورویا ساتیلدی

فرانسانین باشکندی پاریس‌ده‌کی بیر آچیق آرتیرمادا دایناسور اسکلتلری تخمینا ۳ میلیون یورویا ساتیلدی.

فرانسا مطبوعاتین‌دا یئر آلان خبرلره گؤره، ژورا دؤورونه عاید (تخمیناً ۲۰۱ ایله ۱۴۵ میلیون ایل قاباق) دیپلودوکوس و آلوساوروس نؤوعون‌ده‌کی ۲ دایناسور اسکلتی، پاریس‌ده‌کی دروووت مزایده ائوین‌ده هر بیری تخمیناً ۱،۴ یورویا ساتیلدی.

بیله‌‌ی‌لنمیش دیشلره صاحب آلوساوروس و وجودونون ۱۲ متر اوزونلوق‌دا اولماسی ایله تانینان دیپلودوکوسون، آدی آچیقلانمایان شخص طرفین‌دن ساتین آلیندیغی اؤیرنیلدی.

مزایده‌نین ساتیش اوزمانی لاکوپو بریانو، اسکلتلرین نقاشی تابلولارینا گؤره داها آز طرفداری اولدوغونو بیلدیردی. ساتیش اوزمانی، "بیر دایناسور اسکلتینین دگر اؤلچودلری/معیارلاری اؤرنکلم‌ین نادیرلیگی، گرچک سوموکلرین اورانی، باش سومویونون گؤزللیگی و سوموکلرینین کیفیتینه گؤره چوخ فرق‌لی عنصورلار ایچریر" دئدی.

دایناسور اسکلتلرینین دکور اشیاسی حالینا گلمه‌یه باشلادیغینی ایفاده ائد‌ن بریانو، هالیوود آکتورلاری لئوناردو دی کاپریو و نیکولاس کیج‌ین ده اسکلتلره ماراق گؤستردیکلرینی سؤیله‌دی.

آللوساوروس دایناسور اسکلتی، فران‌سانین لیونون شهرین‌ده ۲۰۱۶-جی ایلده کئچیریله‌ن هرراج‌دا ۱،۱ میلیون آورویا ساتیلمیش‌دی.

 



ایلگیلی‌لی خبرلر