اردوغاندان تورک بیلیم اینسانلارینا چاغری

اردوغان، دونیانین هر یئرین‌ده‌کی تورک بیلیم اینسانلارینی باشلاتدیقلاری بیلیم و تکنولوژی آددیمینا قوشولماغا دعوت ائتدی

erdogan teknofest.jpg

جمهورباشقانی رجب طیب اردوغان، تورک بیلیم اینسانلارینین یوردا دؤنوش سفربرلیگینی باشلادیقلارینی دئدی.

اردوغان، دونیانین هر یئرین‌ده‌کی تورک بیلیم اینسانلارینی باشلاتدیقلاری بیلیم و تکنولوژی آددیمینا قوشولماغا دعوت ائتدی.

پرزیدنت، ایستانبول‌داکی دونیانین ان بؤیوک یئنی هاوا لیمانین‌دا تشکیل اولونان تکنوفست هاواچیلیق، اوزای و تکنولوژی فستیوالینا قاتیلدی.

اردوغان چیخیشین‌دا تکنولوژینین اؤنمینه وورغو ائدرک، "گونوموز دونیاسین‌دا، حقیقی معنادا مستقیللیین بیرینجی شرطی؛ تکنولوژینی طرح ائدن، اورتن و صادر ائد‌ن اؤلکه قونومونا اولاشماقدیر " ایفادلرینی ایشلتدی.

تکنولوژیک گلیشمه‌لرین ایلک مرحله‌سینین خیال ائتمک اولدوغونو وورغولایان اردوغان، "بیز ده تورکیه‌یه نه قازاندیردیق ایسه، خیاللاریمیزین آردینجا گئده‌رک قازاندیردیق. تکنوفستین بیر سیچراما واسطه‌سی اولماسینی دوشونورم" دئدی.

باشباخانلیغی دؤنمین‌ده ساوونما صنایعین‌ده بؤیوک بیر آددیم باشلادیغینی بیلدیره‌ن اردوغان، "تانک، هلیکوپتر، اینسان‌سیز هاوا آراجی کیمی بیر چوخ محصولون حاضر آلیم پروژه‌لرینی لغو ائد‌رک، میلی و اؤزگون مدل اینکیشاف ائتدیرمه ایشلری باشلاتدیق. حاضردا اؤلکه‌میزده ۶۰۰ون اوزرین‌ده ساوونما صنایع پروژه‌سی یئریدیلیر" شکلین‌ده دانیشدی.

اردوغان، "مالیه، ساغلیق، انرژی تکنولوژلری یئرلی و میلی اولاراق اینکیشاف ائتدیره‌رک مستقیللییمیزی ساغلاملاشدیرمایا چالیشیریق. بیلیم اینسانلاریمیزین یوردا دؤنوش سفربرلیگینی باشلادیریق. اولوسلارآراسی لیدئر تآراشدیرما‌چیلار پروگرامی باشلادیریق. دونیانین هر یئرین‌ده‌کی بیلیم اینسانینی اؤلکه‌میزده باشلاتدیغیمیز آددیما قاتیلمایا دعوت ائدیره‌م" دئدی.



ایلگیلی‌لی خبرلر