ترامپین آیریمچی سؤزلری استعفا گتیردی

دونالد ترامپ، بعضی لاتین آمریکاسی و آفریقا اؤلکه‌لرین‌دن گلن کؤچمنلری تنقید ائد‌رک "ایرنج اؤلکه‌لردن گلیرلر" دئمیشدی

ترامپین آیریمچی سؤزلری استعفا گتیردی

آمریکانین پاناما ائلچیسی جان فیلی، آمریکا باشقان دونالد ترامپین بعضی لاتین آمریکاسی و آفریقا اؤلکه‌لرین‌دن گلن کؤچمنلر اوچون دئدیگی "ایرنج اؤلکه‌لردن گلیرلر" ایفاده‌سی اوزرین‌ده استعفا وئردی.

آمریکا مطبوعاتیندا و سوسیال مئدیادا یئر آلان خبرلره گؤره، فیلی، آمریکا خاریجی ایشلر باخانلیغینا سوندوغو استعفا مکتوبوندا، بوندان سونرا پرینسیپلری گره‌گی ترامپ یؤنتیمینه خیدمت ائتمه‌یه‌جگینی بیلدیردی.

باخانلیق، فیلینین وظیفه‌دن آیریلاجاغینی دوغرولارکن، ۹ مارس اعتباریله شخصی سببلرله امکلی‌یه آیریلمایا قرار وئردیگینی بیلدیردی.

جان فیلی، باراک اوباما حاکمیتی زامانی ۲۰۱۵.جی ایلین جولای آیین‌دا پاناما ائلچیلیگینه تعیین اولونموشدو.

دونالد ترامپ، آغ ائودکی بیر اوتورومدا بعضی لاتین آمریکاسی و آفریقا اؤلکه‌لرین‌دن گلن کؤچمنلری تنقید ائد‌رک "ایرنج اؤلکه‌لردن گلیرلر" دئمیشدی.

تراومپین، "نیه بو ایرنج اؤلکه‌لردن اینسانلارین بورایا گلمه‌سینی ایسته‌یک. نروژ‌دن داها چوخ کؤچمن آلمالیییق" دئدیگی بیلدیریلمیشدی.



ایلگیلی‌لی خبرلر