دونالد ترامپ: جمال قاشیقچی جینایتی باره'ده گئنیش راپور چرشنبه گونو حاضیر اولاجاق

کالیفورنیا ایالتینده مئشه یانغین‌لاری ایله موباریزه ایشلرینی تعقیب ائدن ترامپ، ملیبو شهرینده ژورنالیست‌لرین سوال‌لارینی جوابلاندیریب

دونالد ترامپ: جمال قاشیقچی جینایتی باره'ده گئنیش راپور چرشنبه گونو حاضیر اولاجاق

آمریکا باشقانی دونالد ترامپ، سعودی ژورنالیست جمال قاشیقچی جینایتی باره'ده گئنیش بیر راپورون20.11.2018 چرشنبه گونو حاضیر اولاجاغینی بیلدیریب.

کالیفورنیا ایالتینده مئشه یانغین‌لاری ایله موباریزه ایشلرینی تعقیب ائدن ترامپ، ملیبو شهرینده ژورنالیست‌لرین سوال‌لارینی جوابلاندیریب.

مرکزی کشفیات تشکیلاتی‌نین قاشیقچی جینایتی امری‌نین سعودی ولیعهد شاهزاده محمد بین سالمان طرفین‌دن وئریلدیگی قناعتینه گلدیگی ادعا‌لارینی دگرلن‌دیرن ترامپ،

" هنوز هر هانسی بیر قیمتلندیرمه ائتمه‌دی‌لر. بونون اوچون چوخ تئزدیر. بو تاماملانمامیش بیر راپور." دئدی.

ترامپ،

"اؤنوموزدکی ایکی گون ایچینده بلکه بازار ائرته‌سی و یا چرشنبه آخشامی گونو تام بیر راپور آلمیش اولاجاغیق و تام باشا چاتدیریلمیش اولا‌جاق." دئیه دانیشدی.

گون عرضینده سیا دیرکتورو جینا هاسپل ایله گؤروشدوگونو بیل‌دیرن ترامپ،

"بیر ژورنالیستین اؤلدورولمه‌سی دهشت‌لی بیر شئی." ایفاده‌سینی ایستیفاده ائتدی.

کالیفورنیایا گئتمه'دن اوّل آغ ائوین باغچاسیندا ژورنالیست‌لره دانیشان ترامپ، سیا سعودی ژورنالیست جمال قاشیقچی-نین جینایتی‌نین سعودی ولیعهد شاهزاده محمد بن سالمان طرفین‌دن ائدیلدیگی نتیجه‌سینه گلدیگینه دایر خبرلره هله سیا‌دان بو باره‌ده بریفینگ آلمادیغینی ایفاده ائتمیشدی.

ترامپ،

"شو آن اعتباریله اونون (بن سالما) بوندا بیر رولو اولمادیغی بیزه دئدی. نه دئیه‌جک‌لرینی گؤزلیجگیک." دئیه دانیشمیشدی.

داها سونرا آمریکا خاریجی ایشلر ناظیرلیگی سؤزچوسو هیتر نوئرت، ترامپین خاریجی ایشلر ناظیری مایک پومپئو ایله سیا باشقانی هاسپل ایله تلفوندا گؤروشدوگونو آچیقلامیشدی.

سؤزچو آمریکانین جمال قاشیقچی جینایتینه دایر سون نتیجه‌یه گلدیگی ادعا‌لاری‌نین دوغرو اولمادیغینی بیلدیرمیشدی.



ایلگیلی‌لی خبرلر